ახალი ამბები
"ჩვენ ვდგავართ უკრაინის გვერდით" - აქცია ქუთაისში
18:30 / 26.02.2022
ქუთაისში უკრაინის მხარდამჭერი მორიგი საპროტესტო
აქცია გაიმართა.
აქციაზე შეკრებილებმა სოლიდარობა გამოუცხადეს უკრაინელ ხალხს და
მოითხოვეს ომის შეწყვეტა უკრაინაში.
მათ ასევე გააკრიტიკეს საქართველოს პრემიერ-მინისტრი ირაკლი
ღარიბაშვილი და განაცხადეს, რომ ქვეყნის მეთაურის პოზიციები
უკრაინასთან დაკავშირებით მიუღებელია და ის ქართველი ხალხის
შეხედულებებს არ გამოხატავს.
"პრემიერო დაბრუნდით თქვენ სამშობლო რუსეთში", "რუსეთი მკვლელია" , -
სკანდირებდნენ აქციის მონაწილეები.
აქციაზე სიტყვით გამოვიდა ქუთაისში მცხოვრები უკრაინის მოქალაქე და
ქუთაისელებს მხარდაჭერისთვის მადლობა გადაუხადა.
უკრაინა მესამე დღეა რუსეთის თავდასხმებს იგერიებს. ბოლო მონაცემებით,
უკრაინაში დაღუპულია 198 ადამიანი, მათ შორის 3 ბავშვი, დაჭრილია 1
115 ადამიანი, მათგან 33 ბავშვი.
მასალის გამოყენების პირობები