2022 წლის იანვარში საქართველოს 199 393 საერთაშორისო მოგზაური ეწვია. ამის შესახებ ინფორმაციას ტურიზმის ეროვნული ადმინისტრაცია ავრცელებს. მათივე ცნობით, აღნიშნული მაჩვენებლით 2019 წლის მონაცემის 38%-იანი აღდგენა მოხდა. 2021 წელთან შედარებით კი ზრდამ +471 პროცენტი შეადგინა.

რაც შეეხება საერთაშორისო ტურისტებს, მათი რაოდენობა 163 615-ს შეადგენს. აღნიშნული მაჩვენებელი 2019 წლის მაჩვენებლის 53 %-ით აღდგენაა. 2021 წელთან შედარებით ზრდამ +456 პროცენტი შეადგინა.