ახალი ამბები
ქუთაისში ავტომანქანების გაქურდვის ფაქტზე არასრულწლოვნები დააკავეს
13:41 / 31.01.2022
ქუთაისში, ავტომანქანების გაქურდვის ფაქტზე 3
არასრულწლოვანი დააკავეს.
შინაგან საქმეთა სამინისტროს ინფორმაციით, დაკავებულები 2007 - 2008
წლებში დაბადებული პირები არიან.
,,გამოძიებით დადგინდა, რომ არასრულწლოვნებმა, მიმდინარე წლის
29 იანვარს, ქუთაისში, ხარებავას ქუჩაზე, 5 ავტომანქანა გაქურდეს და
შემთხვევის ადგილიდან მიიმალნენ'',- აღნიშნულია უწყების მიერ
გავრცელებულ ინფორმაციაში.
დაკავებული არასრულწლოვნები დანაშაულს აღიარებენ.
პოლიციამ მოპარული ნივთების ნაწილი ნივთმტკიცების სახით ამოიღო.
ავტომანქანების გაქურდვის ფაქტზე გამოძიება სსკ-ის 177-ე მუხლით
მიმდინარეობს. დანაშაულები 4-დან 7 წლამდე ვადით თავისუფლების
აღკვეთას ითვალისწინებს.
მასალის გამოყენების პირობები