ქუთაისში, ავტოქარხნის დასახლებაში ორი ახალი
საბავშვო ბაღი აშენდება.
მერიაში ამბობენ, რომ მშენებლობა წელს უნდა დაიწყოს.
ბაგა - ბაღების გაერთიანების დირექტორის დავით წიტაიშვილის
განმარტებით, სკოლამდელი აღზრდის დაწესებულებების ერთი შენობა ზურაბ
ჭავჭავაძის ქუჩაზე, ხოლო მეორე - ავტოქარხნის მარჯვენა დასახლებაში
აშენდება.
"ავტოქარხნის მარჯვენა დასახლებაში საერთოდ
არ არის ბაღი, გარდა ამისა, როგორც მონაცემები აჩვენებს,
ზოგადად, ავტოქარხნის დასახლებაში ბავშვების ყველაზე
მაღალი დასწრებაა, ამიტომ მივიღეთ ეს გადაწყვეტილება",-
ამბობს დავით წიტაიშვილი.
ქალაქში 37 საბავშვო ბაღია, სადაც 8000 აღსაზრდელი ირიცხება. რაც
შეეხება რეაბილიტაციას, გასულ წელს 11 ბაღს ჩაუტარდა კაპიტალური
რემონტი, დანარჩენ ბაღებში მცირე მასშტაბის სამუშაოები
ზაფხულში იგეგმება.
მასალის გამოყენების პირობები