ახალი ამბები
7 ნოემბრის საქმეზე მიხეილ სააკაშვილის სასამართლო პროცესი დღეს გაიმართება
10:21 / 24.01.2022
7 ნოემბრის საქმეზე, საქართველოს ყოფილი პრეზიდენტის
მიხეილ სააკაშვილის სასამართლო პროცესი დღეს გაიმართება.
სხდომა თბილისის საქალაქო
სასამართლოში 12 საათზეა ჩანიშნული. არსებული ინფორმაციით, თავად
სააკაშვილი პროცესს არ დაესწრება.
სახელმწიფო ბრალდება მიხეილ
სააკაშვილს 2007 წლის 7 ნოემბერს, მომიტინგეთა დარბევას, ტელეკომპანია
„იმედში“ შეჭრასა და ბადრი პატარკაციშვილის კუთვნილი ქონების
დანაშაულებრივად ხელში ჩაგდებას ედავება.
საქართველოს ყოფილ პრეზიდენტს ბრალი
საქართველოს სისხლის სამართლის კოდექსის 333-ე მუხლის მესამე ნაწილით
აქვს წარდგენილი, რაც სასჯელის ზომად 5-დან 8 წლამდე ვადით
თავისუფლების აღკვეთას ითვალისწინებს.
აღნიშნულ საქმეში სააკაშვილთან
ერთად ბრალდებულები არიან ვანო მერაბიშვილი, ზურაბ ადეიშვილი, დავით
კეზერაშვილი და გიგი უგულავა.
საქართველოს მესამე პრეზიდენტი 1 ოქტომბერს,
თბილისში დააკავეს.
მასალის გამოყენების პირობები