ახალი ამბები
სოციალური მომსახურების სააგენტოს თანამშრომელთა გაფიცვა მოლაპარაკებით დასრულდა
11:49 / 22.01.2022
სოციალური მომსახურების სააგენტოს თანამშრომელთა
გაფიცვა დასრულდა.
,,სოლიდარობის ქსელის'' ინფორმაციით, სამინისტროსთან შეთანხმება
შემდეგ საკითხებზე შედგა:
გადაწყდა, რომ ხელფასი მოიმატებს 40-60%-ით;
სოციალური მომსახურების აგენტები მიიღებენ დეკრეტულ შვებულებას, რაც
ნიშნავს, რომ ყოველი ბავშვის გაჩენის შემდეგ ყოველ თვე მშობელი
მიიღებს იგივე ხელფასს, როგორც მუშაობისას;
გაფიცულებს აუნაზღაურდებათ გაფიცული სამუშაო დრო;
სოციალური მოსახურების აგენტები და უფროსი სოციალური აგენტები
იქნებიან უზრუნველყოფილი ტრანსპორტით;
გაუქმდება ერთთვიანი ხელშეკრულებები და ყველა დასაქმებულთან დაიდება
ერთწლიანი ხელშეკრულება;
შეიქმნება სპეციალური საკომუნიკაციო პლატფორმა დასაქმებულსა და
დამსაქმებელს შორის;
გაუმჯობესდება დანამატის წესი და მოიხსნება 15 დღიანი
ლიმიტი.
ქვეყნის მასშტაბით, 400-მდე სოციალური აგენტი 17 იანვარს გაიფიცა.
იმერეთში სამუშაოს შესრულებაზე უარს 35-მდე თანამშრომელი ამბობდა.
ისინი ხელფასების 100 %-იან გაზრდას და ჯანმრთელობის უფასო დაზღვევას
ითხოვდნენ.
ფოტო:სოლიდარობის ქსელი
მასალის გამოყენების პირობები