ახალი ამბები
რეგიონებში კორონავირუსის შემთხვევების 60% ომიკრონია
11:14 / 21.01.2022
რეგიონებში კორონავირუსის შემთხვევების 60%
ომიკრონის შტამია.
ამის შესახებ ალერგოლოგ-იმუნოლოგმა ბიძინა კულუმბეგოვმა
განაცხადა.
მისი თქმით, ომიკრონის შტამს სწრაფად გავრცელების უნარი ახასიათებს და
კორონავირუსის მაღალი მაჩვენებელი სწორედ მას უკავშირდება.
,,რეგიონებში ეს 40-დან 60%-მდე მერყეობს. თუ შევხედავთ სხვა
ქვეყნის მაგალითებს, გამოჩენიდან დაახლოებით 8 კვირა მაინც დასჭირდა,
სანამ თითქმის 100%-ით ჩაანაცვლა ომიკრონმა. ჩვენთან ეს იყო
დაფიქსირებული, დაახლოებით, 20 დეკემბერს. ალბათ, იქამდეც
ცირკულირებდა. მოკლედ იანვრის ბოლოს, თებერვლის პირველ
ნახევარში, საქართველოში, დიდი ალბათობით, ომიკრონი იქნება
ძირითადი ვარიანტი",- განაცხადა ბიძინა კულუმბეგოვმა.
ბოლო 24 საათის განმავლობაში, საქართველოში კორონავირუსის კიდევ 8 767
ახალი შემთხვევა გამოვლინდა, 5 173 კოვიდინფიცირებული გამოჯანმრთელდა,
გარდაიცვალა კიდევ 49 პაციენტი.
მასალის გამოყენების პირობები