ახალი ამბები
იმერეთში სოციალური შემწეობის მიმღებთა რაოდენობა 23,6%-ით გაიზარდა
13:44 / 19.01.2022
ბოლო ერთ წელიწადში, სოციალური დახმარების მიმღებთა
რაოდენობა საქართველოს ყველა რეგიონში გაიზარდა.
2021 წლის დეკემბერში საარსებო შემწეობას 643 167 ადამიანი იღებდა, ეს
კი 118 569-ით მეტია წინა წლის ანალოგიურ პერიოდთან შედარებით.
ინფორმაციას სოციალური მომსახურების სააგენტო ავრცელებს.
სააგენტოს ვებ გვერდზე განთავსებულ ინფორმაციაში ჩანს, რომ
შემწეობის მიმღებთა რაოდენობის ყველაზე მეტი მატება სამცხე
-ჯავახეთში, ქვემო ქართლში და აჭარაშია. ყველაზე ნაკლები-
რაჭა-ლეჩხუმი, ზემო და ქვემო სვანეთში.
შემწეობის მიმღებთა ზრდის დინამიკა რეგიონების მიხედვით ასე
გამოიყურება:
იმერეთი - 2021 წლის დეკემბერში სოციალურ დახმარებას იღებდა 83 563
ადამიანი, 2020 წლის დეკემბერში - 67 625, ანუ გაიზარდა 23,6%-ით.
მცხეთა-მთიანეთი - გასული წლის დეკემბერში სოციალურად დაუცველი 18 763
ადამიანი იყო რეგისტრირებული, 2020 წლის ანალოგიურ პერიოდში - 15 987.
ზრდა - 17,4%.
თბილისი - 2021წლის დეკემბერში საარსებო შემწეობას 130 748 ადამიანი
იღებდა, 2020 წლის ანალოგიურ პერიოდში - 111 191. ზრდა - 17,6%.
გურია - გასული წლის დეკემბერში სოციალურად დაუცველად 27 604 ადამიანი
იყო რეგისტრირებული, 2020-ის დეკემბერში - 22 006 პირი - გაიზარდა
25,4%-ით.
რაჭა-ლეჩხუმი და ქვემო სვანეთი - გასული წლის დეკემბერში სოციალურ
დახმარებას 14 636 ადამიანი იღებდა, 2020 წლის ანალოგიურ პერიოდში -
13 814 პირი. გაიზარდა 5,9%-ით.
კახეთი - გასული წლის დეკემბერში სოციალურად დაუცველი 65 880 ადამიანი
იყო, 2020 წლის დეკემბერში - 53 937. ზრდა - 22,1%.
სამეგრელო ზემო სვანეთი - 2021 წლის დეკემბერში საარსებო შემწეობას 75
830 ადამიანი იღებდა, 2020 წლის დეკემბერში - 65 338 . გაიზარდა
16%-ით.
სამცხე-ჯავახეთი - გასული წლის დეკემბერში სოციალურად დაუცველი 19 393
ადამიანი იყო რეგისტრირებული, 2020 წლის დეკემბერში - 13 613 . ზრდამ
42,4% შეადგინა.
ქვემო ქართლი - 2021 წლის დეკემბერში საარსებო შემწეობის მიმღებთა
რაოდენობა 77 681 ადამიანით განისაზღვრა, 2020 წლის ანალოგიურ
პერიოდში 60 496 -ით. ზრდა 28,4%.
შიდა ქართლი - გასული წლის დეკემბერში სოციალურად დაუცველის სტატუსი
58 452 ადამიანს ჰქონდა, 2020 წლის დეკემბერში - 48 546 პირს. ზრდა –
20,4%.
აჭარის ავტონომიური რესპუბლიკა - 2021 წლის დეკემბერში სოციალური
დახმარების მიმღები 70 617 ადამიანი იყო, 2020 წლის დეკემბერში - 52
045. ანუ, გაიზარდა 35,7%-ით.
2020 წლის დეკემბერში სახელმწიფოს დახმარების იმედად 524 598 ადამიანი
იყო. ერთ წელიწადში საარსებო შემწეობის მიმღებთა რაოდენობა 22,6%-ით
გაიზარდა.
მასალის გამოყენების პირობები