ახალი ამბები
პროტესტი გრძელდება - სოციალური აგენტები მეორე დღეა გაფიცულები არიან
10:22 / 18.01.2022
სოციალური მომსახურების სააგენტოს თანამშრომლების
პროტესტი დღესაც გრძელდება.
გაფიცული თანამშრომლები ამბობენ, რომ უწყების მიერ წარმოდგენილი
ხელფასების მატების გეგმას არ ეთანხმებიან და ისინი ანაზღაურების არა
მიზერულად, არამედ 100%-ით გაზრდას ითხოვენ.
"წარმოგვიდგინეს ბრძანება ხელფასების გაზრდაზე მაგრამ ეს
ჩვენისთვის არ არის საკმარისი. სამუშაოს მანამდე არ
დავუბრუნდებით, ვიდრე მოთხოვნების არ იქნება შესრულებული. პროტესტი
გრძელდება ", - ამბობს ზესტაფონის რაიონული მომსახურების
სააგენტოს უფროსი აგენტი ნინო ბოჭორიშვილი.
მისი თქმით, დღის განმავლობაში კიდევ ელოდებიან კოლეგების მხრიდან
პროტესტის მასშტაბების ზრდას.
იმერეთის რეგიონში, სოციალური მომსახურების სერვის-ცენტრის 146
თანამშრომლიდან 35 გაიფიცა.
ზესტაფონი, ქუთაისი, თერჯოლა ხარაგაული, ბაღდათი - ამ
მუნიციპალიტეტებში აგენტების ნაწილი პროტესტის ნიშნად სამსახურში არ
მივიდა.
ხელფასების გაორმაგების, უფასო დაზღვევის და სამუშაო პირობების
გაუმჯობესების გაზრდის მოთხოვნით, ქვეყნის მასშტაბით
400-მდე აგენტი 17 იანვარს გაიფიცა.
ამის პარალელურად, ჯანდაცვის სამინისტრომ მათთვის ხელფასების ზრდა
თებერვლიდან დააანონსა.
ამავე თემაზე:
მასალის გამოყენების პირობები