ახალი ამბები
გასული წლის დეკემბერში, ქუთაისის აეროპორტი 42 000 - ზე მეტ მგზავრს მოემსახურა
13:02 / 14.01.2022
პანდემიის პირობებში, ქუთაისის საერთაშორისო
აეროპორტში საჰაერო მიმოსვლას მზარდი დინამიკა აქვს.
საქართველოს აეროპორტების გაერთიანების ინფორმაციით, 2021 წლის
დეკემბრის თვეში, 2019 წლის ანალოგიურ პერიოდთან შედარებით, დავით
აღმაშენებლის სახელობის აეროპორტში მგზავრთნაკადის 51% აღდგა. 2021
წლის დეკემბერში, ქუთაისის საერთაშორისო აეროპორტი 42,077 მგზავრს
მოემსახურა. (2019 წლის დეკემბერი 82,551 მგზავრი).
მზარდი დინამიკაა ავიარეისების რაოდენობის აღდგენის კუთხითაც.
დეკემბრის თვეში, აეროპორტში რეისების 63% აღდგა და მოემსახურა 181
რეისს. ( 2019 წლის დეკემბერი - 289 რეისი).
საქართველოს აეროპორტების გაერთიანების ინფორმაციით, ამ ეტაპისთვის,
ქუთაისის საერთაშორისო აეროპორტში 5 ავიაკომპანია 14 ქვეყნის 24
მიმართულებით ოპერირებს.
ფრენები კოვიდპანდემიის გამო 2020 წლის მარტში გაჩერდა, რომელიც ექვსი
თვის შემდეგ აღდგა.
მასალის გამოყენების პირობები