ახალი ამბები
7 და 8 იანვარს ღამის კლუბებს მუშაობის უფლება მისცეს
15:19 / 07.01.2022
7 და 8 იანვარს ღამის კლუბებში ღონისძიებების
ჩატარება ნებადართული იქნება.
შესაბამისი გადაწყვეტილება საქართველოს მთავრობამ მიიღო.
"2022 წლის 7 იანვრიდან 2022 წლის 9 იანვრის 06:00 საათამდე
შეზღუდვა არ გავრცელდეს ელექტრონული მუსიკის მოსასმენ სივრცეებსა და
ღამის კლუბებზე", - წერია დადგენილებაში.
ახალი დადგენილებით, დროებითი ცვლილება შევიდა სამ მუხლში, რომელიც
ღონისძიებების გამართვის, თავშეყრისა და ეკონომიკური საქმიანობის
წესებს არეგულირებს კორონავირუსის პირობებში.
ღამის კლუბებს საქართველოს მთავრობამ 31 დეკემბერს და 2 იანვარსაც
მისცა მუშაობის უფლება.
19 დეკემბერს შრომის ინსპექციამ განაცხადა, რომ ღამის კლუბების
გახსნის გადაწყვეტილება, კორონავირუსის პირობებში, შესაბამისი
უსაფრთხოების ზომების განსაზღვრის შემდეგ იქნება მიღებული.
მასალის გამოყენების პირობები