ახალი ამბები
შობის დღესასწაულზე, სასულიერო პირები შემოწირულობას კვლავ შეაგროვებენ
13:00 / 04.01.2022
საქართველოს საპატრიარქო, შობის დღესასწაულთან
დაკავშირებით, ინფორმაციას ავრცელებს.
ტრადიციის მიხედვით, ყოველი წლის 7 იანვარს მთელი საქართველოს
მოსახლეობა, სასულიერო და საერო პირები აგროვებენ შემოწირულებას,
რომელიც დახარისხების შემდეგ ბავშვთა სახლებში, მოხუცთა თავშესაფრებსა
და სასჯელაღსრულების დაწესებულებებში რიგდება.
,,წელს, 7 იანვარს, ქრისტეშობის სადღესასწაულო
ღვთისმსახურების შემდეგ, ტრადიციულად, შემოწირული საჩუქრები,
ტანსაცმელი, სათამაშოები და ნუგბარი კვლავ შეგროვდება და მოთხოვნის
შესაბამისად განაწილდება. მსურველებს შემოწირულებისა და სხვადასხვა
საჩუქრის მოტანა შეეძლებათ 7 იანვარს, 12:00 საათიდან 16:00
საათამდე",- ნათქვამია გავრცელებულ ინფორმაციაში.
ადგილზე მათ დახვდებათ იმ ადამიანთა ჯგუფი, რომლებიც ჩაიბარებენ და
დასარიგებლად დაახარისხებენ საჩუქრებს. შემოწირულების მიტანა ასევე
შესაძლებელი იქნება ყოვლადწმინდა სამების ლავრაში არსებულ ახალგაზრდულ
ცენტრში.
მასალის გამოყენების პირობები