ახალი ამბები
გზები, სადაც გადაადგილებას ძლიერი თოვის გამო ვერ შეძლებთ
12:12 / 03.01.2022
ინტენსიური თოვის გამო,
ხაშური-ახალციხე-ვალე საავტომობილო გზის მონაკვეთზე აკრძალულია
მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო
დანარჩენი სახის ავტოტრანსპორტის მოძრაობა თავისუფალია.
თოვლისა და ლიპყინულის გამო,
შეზღუდვა დაწესდა მცხეთა–სტეფანწმინდა–ლარსის საავტომობილო გზის
გუდაური-კობის მონაკვეთზე. ასევე, დიდთოვლობის გამო, ბათუმი-ახალციხის
საავტომობილო გზაზე დასაშვებია მხოლოდ მაღალი გამავლობის
ავტოტრანსპორტის მოძრაობა.
აკრძალულია მისაბმელიანი,
ნახევრადმისაბმელიანი და 30 ადგილზე მეტი ტევადობის ავტოტრანსპორტის
მოძრაობა ალპანა-ცაგერის საავტომობილო გზაზე, მოძრაობა დასაშვებია
მოცურების საწინააღმდეგო ჯაჭვების გამოყენებით. ორი და მეტი წამყვანი
ხიდის მქონე ავტოტრანსპორტის მოძრაობა თავისუფალია.
ინტენსიური თოვის გამო, ტრაილერების
მოძრაობა აკრძალულია ქუთაისი-ტყიბული-ამბროლაურის საავტომობილო გზაზე
(ნაქერალას უღელტეხილი) და საჩხერე-ონის საავტომობილო
გზაზე.
ასევე ინტენსიური თოვის, დაბალი
ტემპერატურის და ცუდი ხილვადობის გამო,
გომი-საჩხერე-ჭიათურა-ზესტაფონის საავტომობილო გზის მონაკვეთზე,
აკრძალულია მისაბმელიანი და ნახევრადმისაბმელიანი ავტოტრანსპორტის
მოძრაობა.
მასალის გამოყენების პირობები