ქუთაისის მერია  კორონავირუსით გარდაცვლილი მოქალაქეების დაკრძალვისათვის  ტენდერს აცხადებს.
32 500 ლარის ღირებულების  სახელმწიფო შესყიდვაზე  (NAT210025138) წინადადების მიღება 31 დეკემბრს დაიწყება და სამ დღეში დასრულდება. 

სატენდერო დოკუმენტაციის მიხედვით, მერია  COVID-19 გარდაცვლილი ქუთაისში რეგისტრირებული მოქალაქეების დაკრძალვისა და სარიტუალო მომსახურების  ხარჯებს გაიღებს. 

სარიტუალო მომსახურება მოიცავს:

ახალი კორონავირუსის (COVID-19) შედეგად გარდაცვლი ქუთაისში რეგისტრირებული მიცვალებულის გვამის ჩანთაში ჩასვენებას, გარდაცვალების ადგილიდან გადმოსვენებას შემსყიდველის დავალებით განსაზღვრულ ადგილას, გვამის განთავსების ადგილას ატანას შემდგომი დავალებით სასახლეში ჩასვენებას, დაკრძალვის დღეს ჩამოსვენებას, კატაფალკაში შესვენებას. ავტოკატაფალკით მომსახურებას;

აუცილებლობის შემთხვევაში გვამის ექსპერტიზის ბიუროში გადასვენებას და ექსპერტიზის ბიუროდან გადმოსვენებას, განსაზღვრულ ადგილზე ტრანსპორტირებას;

მიმწოდებლი  ანუ გამარჯვებული ორგანიზაცია ვალდებულია COVID19 ვირუსის შედეგად გარდაცვლილისთვის სარიტუალო მომსახურების გაწევის პროცესში მონაწილე მომსახურე პერსონალი აღჭურვოს მოქმედი კანონმდებლობით დადგენილი უსაფრთხოების საშუალებებით;

ასევე, ვალდებულია მომსახურების ღირებულებაში გაითვალისწინოს COVID19 ვირუსის შედეგად გარდაცვლილი მიცვალებულის ჩასადები გვამის ჩანთის, რეინჯერების და ავტოკატაფალკის მძღოლის ეკიპირების ღირებულება;

პრეტენდენტმა უნდა გაითვალისწინოს, რომ გარდაცვლილის სასახლის დამზადება უნდა განხორციელდეს მხოლოდ შემსყიდველის (ანუ მერიის) მოთხოვნის შემთხვევაში. გარდაცვლილის პატრონის მოთხოვნით, საკუთარი სახსრებით, ძვირად ღირებული სასახლის შეძენის შემთხვევაში არ მოხდება სასახლის ღირებულების ანაზღაურება.