პირველი სხდომა დეპუტატების განცხადებებით გაიხსნა.
ოპოზიციონერმა დეპუტატებმა არჩევნებს გაუმჭვირვალე და არადემოკრატიულ გარემოში ჩატარებული უწოდეს.
„გილოცავთ, ეს არის პირველი სხდომა, თუმცა, ეს არ გამოხატავს ქუთაისელი ამომრჩევლების თავისუფალ ნებას",-განაცხადა „ნაციონალური მოძრაობის" წევრმა გიგა შუშანიამ.

"ეს არის მასკარადი, რადგან ყველა აქ მყოფი ადამიანი ხვდება იმას, რომ სინამდვილეში ოპოზიციაა გამარჯვებული",- განაცხადა ოპოზიციონერმა დეპუტატმა კახა გაბუნიამ.

ახალი მოწვევის საკრებულო დღეს, 3 დეკემბერს, პირველად შეიკრიბა.

ქუთაისის მეშვიდე მოწვევის 35 წევრიან საკრებულოში, "ქართულმა ოცნებამ" 18 მანდატი მოიპოვა, ოპოზიციამ - 17. მმართველ პარტიას ხუთი მაჟორიტარი ეყოლება, ოპოზიციას - ორი.

მმართველმა პარტიამ საკრებულო ძველი სახეებით დააკომპლექტა. დეპუტატების უმრავლესობა მე-6 მოწვევის საკრებულოს წევრია. სავარაუდოდ, მოქმედი თავმჯდომარე გააგრძელებს ახალი მოწვევის საკრებულოს ხელმძღვანელობასაც.

თვითმმართველობის არჩევნების მეორე ტური 30 ოქტომბერს ჩატარდა.