ახალი ამბები
ვის ეზრდება ხელფასი მომავალი წლიდან?
12:39 / 09.11.2021
2022 წლიდან ყველა საჯარო მოხელეს ხელფასი
10%-ით გაეზრდება.
იანვრიდან
ანაზღაურება ეზრდებათ მასწავლებლებს, მანდატურებს, სკოლის
ადმინისტრაციულ პერსონალს და სოციალურ მუშაკებს. კერძოდ, საჯარო დაწესებულებაში მომუშავეთა ყოველთვიური საბაზო
თანამდებობრივი სარგო 1000 ლარის ნაცვლად 1 100 ლარი
გახდება.
2022 წლის ბიუჯეტის პროექტის მიხედვით, საჯარო
მოხელეების შრომითი ანაზღაურებისთვის თანხა 176 658 000 ლარით
იზრდება.
იზრდება საჯარო სივრცეში დასაქმებულთა რიცხვიც.
მათი რაოდენობა 2022 წელს 112 752 იქნება.
ბიუჯეტის პროექტის მიხედვით, იზრდება განათლებისა და
მეცნიერების სამინისტროს დაფინანსებაც 22,3 მლნ ლარით, რომლის
ფარგლებშიც მასწავლებლების გარდა, გათვალისწინებულია სკოლის
ადმინისტრაციული პერსონალის ხელფასების 10%-იანი ზრდა.
მასალის გამოყენების პირობები