ახალი ამბები
დროებითი რეჟიმით მოძრაობა საპატრულო პოლიციის ზედამხედველობით მოხდება.
რიკოთის გვირაბში გადაადგილება დროებით იზღუდება
10:30 / 08.11.2021
საავტომობილო გზების დეპარტამენტის
ინფორმაციით, 9 - 10 ნოემბრის 00:00 სთ-დან 06:00 სთ-მდე, რიკოთის
გვირაბში ავტოტრანსპორტის გადაადგილება იკრძალება.
"საერთაშორისო მნიშვნელობის
თბილისი–სენაკი–ლესელიძის საავტომობილო გზის 143-ე კილომეტრზე მდებარე
რიკოთის საავტომობილო გვირაბში, პროფილაქტიკური სამუშაოების ჩატარების
მიზნით, 2021 წლის 9 ნოემბრის 00:00 სთ-დან 06:00 სთ-მდე და 10
ნოემბრის 00:00 სთ-დან 06:00 სთ-მდე, იკრძალება ყველა სახის
ავტოტრანსპორტის მოძრაობა, ხოლო დღე-ღამის დანარჩენ პერიოდში
ავტოტრანსპორტის მოძრაობა თავისუფალია", - ნათქვამია
დეპარტამენტის მიერ გავრცელებულ ინფორმაციაში.
საავტომობილო გვირაბის ჩაკეტვის
პირობებში, ავტოტრანსპორტის მოძრაობა გადაერთვება რიკოთის გვირაბის
შემოსავლელ საავტომობილო გზაზე.
დროებითი რეჟიმით მოძრაობა საპატრულო პოლიციის ზედამხედველობით მოხდება.
მასალის გამოყენების პირობები