ახალი ამბები
ორგანიზაციის თქმით, იზა ჩირგაძეს ტელეფონი გათიშული აქვს. არასამთავრობო ორგანიზაცია შესაბამის უწყებებს მომხდარ ფაქტზე გამოძიების დაწყებისკენ მოუწოდებს.
ქუთაისელ რეგისტრატორს ვერც "სამართლიანი არჩევნები " უკავშირდება
10:26 / 03.11.2021
ქუთაისის 90-ე უბნის კომისიის წვერს იზა ჩირგაძეს,
რომელმაც არჩევნების დღეს მასზე ზეწოლაზე ისაუბრა და გაყალბების სქემა
გაასაჯაროვა, ვერც ,,სამართლიანი არჩევნები''
უკავშირდება.
ორგანიზაციის თქმით, იზა ჩირგაძეს ტელეფონი გათიშული აქვს. არასამთავრობო ორგანიზაცია შესაბამის უწყებებს მომხდარ ფაქტზე გამოძიების დაწყებისკენ მოუწოდებს.
"სამართლიანი არჩევნები" მიიჩნევს,
რომ ჩირგაძისა და მისი ოჯახის უსაფრთხოებაზე და ზეწოლისგან თავისუფალი
გარემოს უზრუნველყოფაზე სრული პასუხისმგებლობა ეკისრებათ
სამართალდამცავ ორგანოებს. ამასთან, ორგანიზაცია მოუწოდებს შესაბამის
უწყებებს დროულად გამოიძიონ საუბნო საარჩევნო კომისიის წევრის მიერ
გაჟღერებული დანაშაულის ნიშნების შემცველი ფაქტები და მიიღონ სათანადო
და დროული ზომები იზა ჩირგაძეზე სავარაუდო ზეწოლის აღსაკვეთად.
"სამართლიანი არჩევნები" კვლავაც მზადყოფნას გამოთქვამს ნებისმიერ
დროს დაიცვას იზა ჩირგაძის უფლებები", - აღნიშნულია
ორგანიზაციის მიერ გავრცელებულ განცხადებაში.
იზა ჩირგაძეს ვერ უკავშირდება ვერც
ქუთაისის გაერთიანებული ოპოზიციის მერობის ყოფილი კანდიდატი ხატია
დეკანოიძე.
,,გუშინ წავიდა სახლში,
ბავშვები წაიყვანა და მას შემდეგ ვერსად ვიპოვე, სახლშიც არ
არის"- ამბობს ხატია დეკანოიძე.
პირველ ნოემბერს,
ქუთაისის 90-ე საარჩევნო უბნის რეგისტრატორმა, იზა ჩირგაძემ, რომელიც
მმართველი პარტიის წარმომადგენელია, განაცხადა, რომ მას არჩევნების
გაყალბებას აიძულებდნენ. მან ამის შესახებ "ნაციონალური
მოძრაობის" შტაბში ისაუბრა.
30 ოქტომბერს ადგილობრივი
თვითმმართველობის არჩევნების მეორე ტური ჩატარდა. წინასწარი
მონაცემებით, ქუთაისის მერი მმართველი პარტიის კანდიდატი იოსებ
ხახალეიშვილი გახდა, მას მხარი ამომრჩეველთა 51,64%-მა დაუჭირა,
"ნაციონალური მოძრაობის" კანდიდატმა ხატია დეკანოიძემ კი ხმების
48.35% მიიღოა
მასალის გამოყენების პირობები