ახალი ამბები
საქართველოში საწვავის ფასი გაიზარდა
12:45 / 16.10.2021
გასული ერთი თვის განმავლობაში, საქართველოში
საწვავზე ფასები საშუალოდ 4.7%-ით გაიზარდა.
ერთ თვეში Regular 92 ტიპის ბენზინზე ფასი
1.8%- ით გაიზარდა და საშუალოდ 2,82 ლარი შეადგინა. Super-ის ფასი 4.94%-ით გაიზარდა და საშუალო ღირებულებამ
დაახლოებით, 3,1 ლარი შეადგინა.
გარდა ამისა, 4.18%-ით გაიზარდა Premium-ის
ტიპის ბენზინი და მისი საშუალო ღირებულება ბაზარზე 3,17 ლარი გახდა.
ხოლო დიზელის ტიპის საწვავზე ერთ თვეში ფასები 5.03%-ით გაიზარდა და
ერთი ლიტრის ღირებულებამ საშუალოდ 2,89 ლარი შეადგინა.
უკანასკნელი ერთი თვის განმავლობაში თხევადი გაზის (LPG) ფასი
ქვეყანაში ყველაზე სწრაფი ტემპით, 7.57%-ით გაიზარდა და საშუალო ფასმა
1,9 ლარი შეადგინა.
გასული ერთი წლის განმავლობაში საწვავის ფასის საშუალო ზრდამ
ქვეყანაში დაახლოებით, 46% შეადგინა.
მსოფლიოში, მიმდინარე წელს, ერთი ბარელი ნავთობის ფასმა ახალი რეკორდი
დაამყარა, უფრო კონკრეტულად, ერთი ბარელი Brent-ის ტიპის ნავთობის
ღირებულებამ 84 დოლარს გადააჭარბა, რაც უკანასკნელი სამი წლის
რეკორდული მაჩვენებელია.
bpn.ge
მასალის გამოყენების პირობები