ახალი ამბები
პოლიციამ ფაქტზე სამი პირი დააკავა.
შსს–მ ქუთაისსა და თბილისში საბრძოლო მასალის ფლობისთვის სამი პირი დააკავა
11:41 / 13.09.2021
შინაგან საქმეთა სამინისტროს
თანამშრომლებმა, ქუთაისსა და თბილისში, უკანონო ცეცხლსასროლი იარაღები
და საბრძოლო მასალა ამოიღეს.
პოლიციამ ფაქტზე სამი პირი დააკავა.
იმერეთის, რაჭა-ლეჩხუმისა და ქვემო
სვანეთის პოლიციის დეპარტამენტის თანამშრომლებმა, ცაგერის რაიონის
ერთ-ერთ სოფელში, საბრძოლო მასალის მართლსაწინააღმდეგო
შეძენა-შენახვის ბრალდებით, 1972 წელს დაბადებული გ.ს. დააკავეს.
სამართალდამცველებმა, დაკავებულის საცხოვრებელი სახლის ჩხრეკისას,
"ეფ1"-ის ტიპის ხელყუმბარა ნივთმტკიცებად ამოიღეს.
თბილისში დაკავებულია 1991 წელს
დაბადებული, წარსულში ნასამართლევი ა.ტ. მისი პირადი და ავტომობილის
ჩხრეკისას, "მაკაროვის" სისტემის ცეცხლსასროლი იარაღი, "ტტ"-ს
სისტემის ცეცხლსასროლი იარაღი, 4 მჭიდი და 22 ვაზნა
ამოიღეს.
ასევე თბილისში დააკავეს 1995 წელს
დაბადებული ი.ბ. პოლიციამ, მისი პირადი ავტომობილის ჩხრეკისას,
კუსტარულად დამზადებული პისტოლეტი, მჭიდი და 4 საბრძოლო ვაზნა
ამოიღო.
დანაშაულები 3-დან 7 წლამდე ვადით
თავისუფლების აღკვეთას ითვალისწინებს.
გამოძიება საქართველოს სისხლის
სამართლის კოდექსის 236-ე მუხლის მე-3 და მე-4 ნაწილებით
მიმდინარეობს, რაც ცეცხლსასროლი იარაღის და საბრძოლო მასალის უკანონო
შეძენა-შენახვა-ტარებას გულისხმობს.
მასალის გამოყენების პირობები