ქუთაისში, "ბულინგი ტეხავს",  ბულინგზე საუბარი - არა " სახელწოდების კამპანიის ფარგლებში ღონისძიებები გაიმართა.

ბულინგის საწინააღმდეგო ივენთების ციკლს "წიგნების თაობამ" უმასპინძლა.

"ბულინგი ტეხავს, ბულნგზე საუბარი - არა" სოციალური მიმართულების მედია-პლატფორმა ,,ამბებს მიღმა" და "წიგნების თაობის" ერთობლივი პროექტია,რომლის მიზანი ბულინგის აღიარება, მისი მხილება და გადააზრებაა. თანაც, როგორც ბავშვებში, ასევე  - უფროსებში. 

წიგნების თაობის სივრცეში 10-13 წლის ასაკის ბავშვებისა და მშობლებისთვის ფსიქოლოგთან შეხვედრა გაიმართა. ფსიქიკური ჯანმრთელობის მაგისტრმა ნინო ქარსელაძემ, სხვადასხვა როლური აქტივობა შესთავაზა ბავშვებსა და მშობლებს და მათთან ერთად იმსჯელა ბულინგის შედეგებსა და პრევენციის გზებზე.

"ეს თემა მეტად მნიშვნელოვანია ჩვენთვის, ამიტომ "წიგნების თაობამ" და "ამბებს მიღმა" მედია პლათფორმამ ერთობლივად ჩავატარეთ კამპანია "ბულინგი ტეხავს, ბულნგზე საუბარი - არა!" საჯარო დისკუსიაში ჩაერთო ქალაქის 50-მდე ბავშვი, განვიხილეთ სხვადასხვა ტიპის ბულინგი, გავარჩიეთ ნაწარმოები, რომელიც მოიცავდა ბულინგის შესახებ მაგალითებს. გაგვაოცა ბავშვების ჩართულობამ და ინტერესმა ამ თემის მიმართ. ჩვენი მიზანია მივაწვდინოთ ყველას ხმა რომ ისაუბრონ ხმამაღლა მათ პრობლემებზე, მიიღონ რჩევები და ერთად შევიმუშაოთ პრობლემის გადაჭრის გზები ", - აღნიშნა "წიგნების თაობის" დამფუძნებელმა სოფო საკანდელიძემ.



#ბულინგიტეხავს კამპანიის ფარგლებში ასევე ჩატარდა გამოფენა, სადაც გამოიფინა თაობა Z -ის მიერ შექმნილი ნახატები და ილუსტრაციები ბულინგისა და ძალადობის თემაზე.