10 ივლისს საქართველოს ოლიმპიური და პარალიმპიური დელეგაციების ფიცის დადებისა და ტოკიოს ოლიმპიურ და პარალიმპიურ თამაშებზე გაცილების ცერემონია გაიმართა.

ცერემონიაზე გაჟღერდა მთავრობის გადაწყვეტილება, რომლის თანახმად ოლიმპიური ჩემპიონი ერთ მილიონ ლარს მიიღებს: აღნიშნულის შესახებ საქართველოს პრემიერ-მინისტრმა ირაკლი ღარიბაშვილმა  განაცხადა.

იმერეთიდან ტოკიოს ოლიმპიადაზე 6 სპორტსმენი იასპარეზებს.

ტოკიოს ოლიმპიურ თამაშებზე სპორტის 11 სახეობაში საქართველოდან 35 სპორტსმენი მიიღებს მონაწილეობას.

ოლიმპიური თამაშები ტოკიოში 23 ივლისს იწყება და 8 აგვისტოს სრულდება. პანდემიის გამო თამაშები გულშემატკივართა დასწრების გარეშე ჩაივლის.
პარალიმპიური თაამშები 24 აგვისტოს დაიწყება და 5 სექტემბერს დასრულდება.