ეს ეხება როგორც ინვესტორს, ასევე, მთავარ მწვრთნელს, რომლის პოზიციაზეც, "ქუთაისიპოსტის" ინფორმაციით, უკვე დაინიშნა კახა ჩხეტიანი. ქუთაისური კლუბის იტალიელ ინვესტორთა ჯგუფის მიერ დატოვებასა და პოტენციურ მეპატრონესთან მოლაპარაკებაზე, "ქუთაისიპოსტი"  ერთი თვის წინ წერდა, თუმცა, ადგილობრივ თვითმმართველობაში მაშინ ეს ინფორმაცია უარყვეს. ახლა კი მერია ადასტურებს, რომ "ტორპედოში" ცვლილებები იწყება, თუმცა, ვინ იქნება ახალი ინვესტორი, არ ამბობს.