თეატრალური ფესტივალი "თეატრალური იმერეთი 2021"  მუშაობას 23 ივნისს გააგრძელებს.

მანამდე 22 ივნისს სცენა ფესტივალის სტუმარს თავისუფალ თეატრს დაეთმობა.  წარმოდგენილი იქნება სპექტაკლი "სამი ჰალსტუჰიანი და ანგელოზი".

ფესტივალის ბოლომდე მესხიშვილის სცენაზე კიდევ 9 სპექტაკლს წარმოადგენენ.

ფესტივალზე ჩამოსვლას გეგმავდა ლიეტუვასა და პოლონეთის თეატრები, თუმცა კოვიდრეგულაციების გამო მათ ვერ მოახერხეს ჩამოსვლა.

ფესტივალი 1 ივლისს დასრულდება ჭიათურის თეატრის სპექტაკლით  "განკიცხულნი".

სპექტაკლებს ექვსკაციანი ჟიური შეაფასებს თეატრმცოდნე ლაშა ჩხარტიშვილის თავმჯდომარეობით. პრიზები გაიცემა 12 ძირითად ნომინაციაში.

სპექტაკლების ჩვენება 18 საათზე დაიწყება. დასწრება თავისუფალია.