ახალი ამბები
ხეობის მცველები ითხოვენ:
შეწყდეს "ენკასთან" ნამახვანჰესის მშენებლობის შესახებ გაფორმებული ხელშეკრულება;
კომპანიამ დატოვოს რიონის ხეობა;
გაუქმდეს ნამახვანჰესის მშენებლობის ნებართვა;
გადადგეს ეკონომიკის მინისტრი ნათია თურნავა;
რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.
"მგონია, რომ ხელისუფლება შეცდომას უშვებს" - გახარია ნამახვანჰესზე
12:10 / 09.06.2021
ყოფილი პრემიერი და პარტია
"საქართველოსთვის" ლიდერი გიორგი გახარია, ნამახვანჰესის
წინააღმდეგ არსებული პროტესტის მიმართ ხელისუფლების დამოკიდებულებას
შეცდომას უწოდებს.
როგორც მან გადაცემა "რეაქციაში" თქვა, თუ მთავრობის
წარმომადგენლები პირადად არ დაელაპარაკებიან ადგილობრივ მოსახლეობას,
მათი მხარდაჭერის გარეშე ჰესი არ აშენდება.
"რა თქმა უნდა, ჰიდროელექტროსადგურები უნდა ავაშენოთ, მაგრამ იმ გზით
და ფორმით, როგორც ეს ხდება ახლა ნამახვანში, სამწუხაროდ, მე მგონია,
რომ აქ ხელისუფლება შეცდომას უშვებს. არ გამოვა, ვერ აშენდება ასე ეს
ჰესი. მე მაქვს მსგავს წინააღმდეგობასთან მუშაობის გამოცდილება და თუ
ქვეყნის უმაღლესი თანამდებობის პირები პირადად არ ჩაერთვებიან ამაში
და არ დაელაპარაკებიან ამ ადამიანებს, არ გამოვა ეს საქმე. მიუხედავად
იმისა, რომ ქვეყნის ეკონომიკას და ენერგეტიკას ნამახვანი სჭირდება,
ადგილობრივების, იმ რიონის ხეობის დამცველების მხარდაჭერის გარეშე არ
გამოვა ეს საქმე", - განაცხადა გახარიამ.
რიონის ხეობაში პროტესტი არ წყდება. 7 ივნისს
აქტივისტებმა 224-ე ღამე გაათენეს კარვებში.
12 ივნისს, რიონის ხეობის მცველები
ევროკავშირის ენერგეტიკული გაერთიანების წარმომადგენლების მედიაციით
გამართულ შეხვდრას დაესწრებიან. მოძრაობა "რიონის ხეობის
გადარჩენისთვის" ერთ-ერთი ლიდერი ვარლამ გოლეთიანი ამბობს, რომ ამ
შეხვედრაზეა დამოკიდებული ჩატარდება თუ არა მორიგი ფართომასშტაბიანი
აქცია. მანამდე ხეობის მცველები დღის წესრიგს არ ცვლიან და ყოველ
საღამოს გუმათჰესთან "ხმაურის აქციას" ატარებენ.
ხეობის მცველები ითხოვენ:
შეწყდეს "ენკასთან" ნამახვანჰესის მშენებლობის შესახებ გაფორმებული ხელშეკრულება;
კომპანიამ დატოვოს რიონის ხეობა;
გაუქმდეს ნამახვანჰესის მშენებლობის ნებართვა;
გადადგეს ეკონომიკის მინისტრი ნათია თურნავა;
რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.
მასალის გამოყენების პირობები