6 ივნისს, თბილისში,  პუშკინის სკვერში შუქრუთელი მოშიმშილეების მხარდამჭერი აქცია გაიმართება.
აქციის ორგანიზატორების მმართველობის მონიტორინგის ცენტრისა და  საზოგადოებრივი მოძრაობა "მომავლის ჭიათურა".

„მნიშვნელოვანია მხარდაჭერა გამოვუცხადოთ შუქრუთელ მოშიმშილეებს, რომლებიც ჭიათურაში "ჯორჯიან მანგანეზის" საქმიანობას უკვე 100 დღეზე მეტია რაც აპროტესტებენ.
სოფელ შუქრუთის მცხოვრებლები დიდი ხანია პრობლემის აღმოსაფხვრელად სახელმწიფოს აქტიურ ჩართულობას მოითხოვენ, რაც ამ დრომდე რეაგირების გარეშეა დარჩენილი.
სწორედ ამიტომ, უკანასკნელი სამი კვირის განმავლობაში, მათ პროტესტის უკიდურეს ზომას - პირის ამოკერვასა და შიმშილობას მიმართეს“, - აღნიშნულია აქციის ორგანიზატორტა განცხადებაში.
აქცია 14:00-ზე დაიწყება.

მოშიმშილეები თბილისში ღია ცის ქვეშ ათევენ ღამეს, რადგან პოლიციამ მათ კარვის გაშლის უფლება არ მისცა.

მოშიმშილეებს უკვე ერთი თვეა პირი აქვთ ამოკერილი.

აქცია ამერიკის საელჩოს პარალელურად შუქრუთის კარავშიც მიმდინარეობს.

ჭიათურაში 110  დღეზე მეტია ადგილობრივები კომპანია "ჯორჯიან მანგანეზისგან" კომპენსაციების მიღებას ითხოვენ.

კომპანია "ჯორჯიან მანგანეზმა" 16 მაისს განაცხადა, რომ საინჟინრო კვლევების საფუძველზე, სოფელში 36 ოჯახი ჯამში 2 300 000 ლარის კომპენსაციას მიიღებს.

სოფელ შუქრუთში ადგილობრივები "ჯორჯიან მანგანეზის" მიერ მადნის მოპოვების სამუშაოებს, რის შედეგადაც, მათი თქმით, მათი საცხოვრებელი სახლები ზიანდება.

სამთვიანი პროტესტის მიუხედავად, ადგილობრივებთან ხელისუფლების წარმომადგენლები არ ჩადიან. "ჯორჯიან მანგანეზის" წარმომადგენელმა ვლადიმერ სალაძემ კი პროცესს მართული უწოდა.

შპს "ჯორჯიან მანგანეზი" ჭიათურა-საჩხერის მუნიციპალიტეტში მანგანუმის მადნის სამთო მოპოვების ლიცენზიის მესაკუთრეა. ის მოპოვებით საქმიანობას ჭიათურის მთლიან ტერიტორიაზე (16 430 ჰექტარზე) ახდენს.

ამავე თემაზე: 
თბილისში, შუქრუთელი მოშიმშილე შეუძლოდ გახდა

შუქრუთელების პროტესტი ღია ცის ქვეშ - მოშიმშილეებს პოლიციამ კარვების გაშლის უფლება არ მისცა