ახალი ამბები
ეროვნული გამოცდები პირველ ივლისს დაიწყება
11:55 / 05.06.2021
ერთიანი ეროვნული გამოცდები პირველ ივლისს ქართული
ენისა და ლიტერატურის გამოცდით დაიწყება.
ამის შესახებ შეფასებისა და გამოცდების ეროვნული ცენტრის
ხელმძღვანელმა სოფიო გოროოძემ განაცხადა.
შეფასების და გამოცდების ეროვნული ცენტრის ინფორმაციით, 2021 წელს
გამოცდებში მონაწილეობის მსურველთა რეგისტრაციის სტატისტიკა ასეთია:
ერთიანი ეროვნული გამოცდებისათვის რეგისტრაცია 38 400-ზე მეტმა
აბიტურიენტმა გაიარა; სტუდენტთა საგრანტო კონკურსში მონაწილეობის
სურვილი 3 700-ზე მეტმა სტუდენტმა გამოთქვა; საერთო სამაგისტრო
გამოცდისათვის 12 800-ზე მეტი მაგისტრანტობის კანდიდატი
დარეგისტრირდა.
გორგოძის განცხადებით, დეტალური ინფორმაცია გამოცდის თარიღის,
გამოცდაზე გამოცხადების დროისა და საგამოცდო ცენტრის მისამართის
შესახებ მითითებული იქნება სპეციალურ ბარათზე, რომლის ამობეჭდვასაც
გამოსაცდელები საკუთარი სარეგისტრაციო გვერდიდან შეძლებენ.
ცენტრის ცნობით, გამოცდები 2021 წელსაც კოვიდპანდემიასთან
დაკავშირებული ყველა რეგულაციის დაცვით ჩატარდება. ამ საკითხზე
დეტალური ინფორმაცია გამოქვეყნდება ცენტრის ვებ და ფეისბუკ
გვერდებზე.
მასალის გამოყენების პირობები