ახალი ამბები
სახალხო დამცველის აპარატის ცნობით, ის აგრძელებს შუქრუთის საქმის შესწავლას ჯანსაღ გარემოში ცხოვრების უფლების მიმართულებით. ის ასევე სწავლობს შეკრების ერთ-ერთი მონაწილის მიმართ შესაძლო ზეწოლის განხორციელების ფაქტს.
რვა მოშიმშილე, რომლებსაც პირი აქვთ ამოკერილი, პროტესტს მეორე დღეა თბილისში ამერიკის საელჩოსთან აგრძელებს. მათ პოლიციამ კარვის გაშლის უფლება არ მისცა, ამიტომაც აქციის მონაწილეებს ღამის გათევა ღია ცის ქვეშ უწევთ.
თბილისში აქციის მონაწილეები უკვე 22 დღეა შიმშილობენ, ამის პარალელურად არ წყდება პროტესტი შუქრუთში, სადაც ადგილობრივებს კარავი აქვთ გაშლილი.
ჭიათურაში 105 დღეა ადგილობრივები კომპანია "ჯორჯიან მანგანეზისგან" კომპენსაციების მიღებას ითხოვენ.
კომპანია "ჯორჯიან მანგანეზმა" 16 მაისს განაცხადა, რომ საინჟინრო კვლევების საფუძველზე, სოფელში 36 ოჯახი ჯამში 2 300 000 ლარის კომპენსაციას მიიღებს.
სოფელ შუქრუთში ადგილობრივები "ჯორჯიან მანგანეზის" მიერ მადნის მოპოვების სამუშაოებს, რის შედეგადაც, მათი თქმით, მათი საცხოვრებელი სახლები ზიანდება, სამ თვეზე მეტია აპროტესტებენ. ორის კვირის წინ კი აქტივისტებმა პირი ამოიკერეს.
სამთვიანი პროტესტის მიუხედავად, ადგილობრივებთან ხელისუფლების წარმომადგენლები არ ჩადიან. "ჯორჯიან მანგანეზის" წარმომადგენელმა ვლადიმერ სალაძემ კი პროცესს მართული უწოდა.
შპს "ჯორჯიან მანგანეზი" ჭიათურა-საჩხერის მუნიციპალიტეტში მანგანუმის მადნის სამთო მოპოვების ლიცენზიის მესაკუთრეა. ის მოპოვებით საქმიანობას ჭიათურის მთლიან ტერიტორიაზე (16 430 ჰექტარზე) ახდენს.
„ერთ-ერთი მონაწილის მიმართ შესაძლოა განხორციელდა ზეწოლის ფაქტი''- სახალხო დამცველი შექრუთელებზე
13:22 / 01.06.2021
სახალხო დამცველი ნინო ლომჯარია, ეკონომიკისა და
მდგრადი განვითარების სამინისტროს მოუწოდებს, როგორც მედიატორი,
ჩაერთოს შუქრუთის მოსახლეობასა და კომპანიას შორის მოლაპარაკების
პროცესში.
სახალხო დამცველის აპარატის ცნობით, ის აგრძელებს შუქრუთის საქმის შესწავლას ჯანსაღ გარემოში ცხოვრების უფლების მიმართულებით. ის ასევე სწავლობს შეკრების ერთ-ერთი მონაწილის მიმართ შესაძლო ზეწოლის განხორციელების ფაქტს.
"შექმნილი მძიმე ვითარების გათვალისწინებით, საქართველოს სახალხო
დამცველი მოუწოდებს ეკონომიკისა და მდგრადი განვითრების სამინისტროს -
ჩაერთოს შუქრუთის მოსახლეობასა და კომპანიასთან მოლაპარაკებების
პროცესში, როგორც მედიატორი, რათა დაცული იყოს მოქალაქეთა როგორც
საკუთრების ასევე, ჯანსაღ გარემოში ცხოვრების უფლება", - ნათქვამია
განცხადებაში.
რვა მოშიმშილე, რომლებსაც პირი აქვთ ამოკერილი, პროტესტს მეორე დღეა თბილისში ამერიკის საელჩოსთან აგრძელებს. მათ პოლიციამ კარვის გაშლის უფლება არ მისცა, ამიტომაც აქციის მონაწილეებს ღამის გათევა ღია ცის ქვეშ უწევთ.
თბილისში აქციის მონაწილეები უკვე 22 დღეა შიმშილობენ, ამის პარალელურად არ წყდება პროტესტი შუქრუთში, სადაც ადგილობრივებს კარავი აქვთ გაშლილი.
ჭიათურაში 105 დღეა ადგილობრივები კომპანია "ჯორჯიან მანგანეზისგან" კომპენსაციების მიღებას ითხოვენ.
კომპანია "ჯორჯიან მანგანეზმა" 16 მაისს განაცხადა, რომ საინჟინრო კვლევების საფუძველზე, სოფელში 36 ოჯახი ჯამში 2 300 000 ლარის კომპენსაციას მიიღებს.
სოფელ შუქრუთში ადგილობრივები "ჯორჯიან მანგანეზის" მიერ მადნის მოპოვების სამუშაოებს, რის შედეგადაც, მათი თქმით, მათი საცხოვრებელი სახლები ზიანდება, სამ თვეზე მეტია აპროტესტებენ. ორის კვირის წინ კი აქტივისტებმა პირი ამოიკერეს.
სამთვიანი პროტესტის მიუხედავად, ადგილობრივებთან ხელისუფლების წარმომადგენლები არ ჩადიან. "ჯორჯიან მანგანეზის" წარმომადგენელმა ვლადიმერ სალაძემ კი პროცესს მართული უწოდა.
შპს "ჯორჯიან მანგანეზი" ჭიათურა-საჩხერის მუნიციპალიტეტში მანგანუმის მადნის სამთო მოპოვების ლიცენზიის მესაკუთრეა. ის მოპოვებით საქმიანობას ჭიათურის მთლიან ტერიტორიაზე (16 430 ჰექტარზე) ახდენს.
მასალის გამოყენების პირობები