ქუთაისში ტაქსის მძღოლები გაიფიცნენ

10:34 / 25.05.2021

ქუთაისში, ტაქსის კომპანია "მაქსიმის" ოფისთან 200-მდე მძღოლია შეკრებილი და მუშაობის გაგრძელებაზე უარს ამბობს.

გაფიცულები აცხადებენ, რომ მომსახურებაზე დაწესებული დაბალი ტარიფის გამო, რაც მათი ანაზღაურების რაოდენობას განსაზღვრავს, შემოსავლები იმდენად მწირია, რომ მათ ხარჯებს არ ყოფნის. მძღოლები კომპანიის ხელმძღვანელობასთან შეხვედრას ითხოვენ.