ჭიათურის სოფელ
შუქრუთში მოშიმშილეების რაოდენობა გაიზარდა.
კომპანია "ჯორჯიან მანგანეზისგან"
კომპენსაციების მიღების მოთხოვნით, პირი კიდევ ერთმა ადამიანმა
ამოიკერა. კოროხნალის მაღაროსთან ახლა ოთხი აქტივისტი შიმშილობს.
მათი თქმით, ვიდრე კომპანია კანონის შესაბამისად არ დაითვლის მათ
ქონებას, არ აღწერს ზარალს და არ გასცემს შესაბამის კომპენსაციებს,
პროტესტს არ შეწყვეტენ. ხვალიდან კი მოშიმშილეთა რიგებს კიდევ ერთი
ადამიანი შეემატება.
"დღეს დაგვემატა ერთი
ადამიანი. ოთხი ვშიმშილობთ უკვე. ერთის ჯანმრთელობის მდგომარეობა
საყურადღებოა. ხვალ კიდევ ერთი დაიწყებს შიმშილობას", - ამბობს
ერთ-ერთი აქტივისტი ჯანო ლაბაძე.
მასალის გამოყენების პირობები