ახალი ამბები
მეორე მსოფლიო ომის მონაწილეები და ოჯახის წევრები ერთჯერად დახმარებას მიიღებენ
11:51 / 08.05.2021
მეორე მსოფლიო ომის მონაწილეები და ომში
დაღუპულთა ოჯახების წევრები ერთჯერად სოციალურ დახმარებას
მიიღებენ.
საქართველოს მთავრობის განკარგულებით, ფაშიზმზე გამარჯვების 76-ე
წლისთავთან დაკავშირებით, მეორე მსოფლიო ომის მონაწილეები 1000 ლარის,
ხოლო მეორე მსოფლიო ომში დაღუპულთა ოჯახების წევრები 500 ლარის
ოდენობის ერთჯერად სოციალურ დახმარებას მიიღებენ.
განკარგულებას პრემიერ-მინისტრმა ირაკლი ღარიბაშვილმა ხელი უკვე
მოაწერა.
მეორე მსოფლიო ომში საქართველოდან 700 000 ადამიანი იბრძოდა,
რომელთაგან დაახლოებით 200 000 ბრძოლის ველზე დაეცა. დაღუპულთა შორის
10 152 ქუთაისელი იყო.
ფაშიზმზე გამარჯვებას მსოფლიო 8 მაისს აღნიშნავს, ვინაიდან გერმანიის
კაპიტულაციის აქტს ხელი სწორედ ამ დღეს მოეწერა, აქტიური საბრძოლო
მოქმედებები კი იმავე დღის მიწურულს შეწყდა. მოსკოვის დროით უკვე 9
მაისი დგებოდა. ამის გამო, 12 ყოფილი საბჭოთა რესპუბლიკა ფაშიზმზე
გამარჯვებას 9 მაისს აღნიშნავს.
მასალის გამოყენების პირობები