გუმათისა და რიონის ჰესების საგუბარებს ცლიან

11:18 / 07.05.2021

მდინარე რიონში 10 აპრილს გაუჩინარებული მამაკაცის მოსაძებნად, გუმათჰესისა და რიონჰესის სათავე-ნაგებობის საგუბარებს წყლისგან ცლიან.

სამუშაოები 10 საათი გაგრძელდება. ამ ხნის განმავლობაში ტერიტორიაზე სახანძრო-სამაშველო ჯგუფები იმუშავებენ. საგანგებო სიტუაციების მართვის სამსახური ადგილობრივ მოსახლეობას მაქსიმალური სიფრთხილისკენ მოუწოდებს.

მდინარე რიონში გაუჩინარებულ მამაკაცს, თითქმის ერთი თვეა ეძებენ. ნიკა ანთიძე, რომელიც მდინარეში სოფელ ნამოხვანიდან გაუჩინარდა, ღამეებს ნამახვანჰესის მოწინააღმდეგეების კარვებში ათევდა. ხეობაში ამბობდნენ, რომ მამაკაცი აქტივისტებს შემთხვევამდე რამდენიმე დღით ადრე შეუერთდა. როგორც ადგილობრივები ჰყვებოდნენ, მამაკაცი სხვებთან ერთად სადილობდა, რის შემდეგაც გარეთ გავიდა, მასთან ერთად მყოფს ტელეფონი მიაწოდა და წყალში შევიდა. მათივე თქმით, ნიკა ანთიძის გადარჩენა სცადეს, მაგრამ მან დახმარებაზე უარი თქვა.

მომხდარზე გამოძიება 115-ე მუხლით მიმდინარეობს.

მაშველებმა 29 აპრილს მდინარე რიონში მამაკაცის ცხედარი იპოვეს, თუმცა ის დაკარგული ნიკა ანთიძე არ აღმოჩნდა.

ამევე თემაზე:

მდინარე რიონში მამაკაცის სამძებრო სამუშაოები გრძელდება

რიონის ხეობის ერთ–ერთი აქტივისტი მდინარე რიონში, სავარაუდოდ, გადახტა

მდინარე რიონში გაუჩინარებული მამაკაცის ძებნაში თბილისის სამაშველოც ჩაერთო

ავტორი:

მარიამ პატარაია

ავტორის სხვა სტატიები

თეგები: #გუმათჰესი #რიონჰესი

მასალის გამოყენების პირობები