საჯარო სკოლებში სააღდგომო არდადეგები 30 აპრილდან დაიწყება და 12 მაისს დასრულდება.
ქუთაისის რესურსცენტრის ხელმძღვანელის მაია ცქიტიშვილის განმარტებით, სააღდგომო არდადეგების გაზრდა სკოლებში უქმე დღეების გამოცხადებამ გამოიწვია.

"სააღდგომო არდადეგები 4 დღე გრძელდებოდა, თუმცა უქმე დღეების გამოცხადებამ დასვენების დღეები გაზარდა", - განმარტავს მაია ცქიტიშვილი.

მისი თქმით, კორონავირუსის გამო  ქუთაისის სკოლებში სრული დისტანციური სწავლა ამ ეტაპზე არც ერთ მათგანში არ მიმდინარეობს.

ქუთაისში 38 საჯარო, ათი კერძო სკოლა და 37 საბავშვო ბაღია.