ახალი ამბები
ქუთაისელმა მოჭადრაკეებმა სამ კატეგორიაში გამარჯვება მოიპოვეს
14:07 / 20.04.2021
ქუთაისელმა მოჭადრაკეებმა საჭადრაკო სკოლების
მეგობრულ მატჩ-ტურნირში გაიმარჯვეს.
ტურნირი 3 ასაკობრივ კატეგორიაში: U10, U12, U14 ჩატარდა, მასში ოთხი
ქვეყანა მონაწილეობდა : საქართველო, უნგრეთი, თურქეთი და ყაზახეთი.
საქართველოს გუნდი ყველა ამ კატეგორიაში გამარჯვეული გახდა.
ქუთაისის 10 წლამდე გუნდს: ანდრია კვირიაშვილი, გაბრიელ
გაბადაძე, დავით თათვიძე და ბარბარე აშოთია წარმოადგენდნენ. პირველ
ტურში, მთავარ კონკურენტთან - ყაზახეთის გუნდთან გადამწყვეტ
შეხვედრაში ანგარიშით 3:1 დაამარცხეს მეტოქე, მეორე და მესამე ტურში
კი, უნგრეთთან და თურქეთთან, ოთხივე დაფაზე გაიმარჯვეს.
12 წლამდე გუნდს: გიორგი გიორგაძე, კესარია მგელაძე, დათა
ყალაბეგაშვილი და მართა სორდია წარმოადგენდნენ. მათ ყაზახეთის გუნდი
ანგარიშით 2.5:1.5 დაამარცხეს, უნგრეთს და თურქეთს კი, ასევე მშრალი
ანგარიშით 4:0 მოუგეს.
14 წლამდე ასაკობრივ კატეგორიაში კი ჩვენი გუნდს: დავით ნემსაძე, ლუკა
კილაძე ვასიკო შაპოვალოვი და ანასტასია კირთაძე წარმოადგენდნენ.
ყაზახეთის გუნდთან ბრძოლა მათ ფრედ, 2:2 დაამთავრეს, უნგრეთს
ანგარიშით 4:0, ხოლო თურქეთს 3:1 მოუგეს.
ტურნირი 17 აპრილს, თბილისში ჩატარდა.
ტურნირის ორგანიზატორი უნგრეთ-თურქეთის ბიზნეს ასოციაცია
"TURKCHAM" გახლდათ.
მასალის გამოყენების პირობები