ახალი ამბები
რიონის ხეობაში, სადაც გიგანტური ჰესი უნდა აშენდეს, ვითარება 3 აპრილს, მას შემდეგ დაიძაბა, რაც ადგილზე პოლიციის თანხლებით კომპანია "ენკას" ახალი დირექტორი მივიდა. მერაბ ლომინაძე რიონის ხეობის მცველებსაც შეხვდა. მან ხეობის მცველებს უთხრა, რომ მოსახლეობის პროტესტის მიუხედავად, მოსამზადებელი სამუშაოები არ შეჩერდებოდა, შესაბამისად, ტერიტორიაზე ტექნიკაც შეიყვანეს. ამის გარდა, ხეობაში აკრძალულია გაადგილება. პოლციამ გუშინვე აღმართა საკომუნიკაციო სიგნალების ჩამხშობი აპარატურა, რაც აფერხებს მედიის მუშაობას.
რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს. გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.
ხეობის მცველებმა გუმათში კარავი გაშალეს
14:20 / 04.04.2021
რიონის ხეობის მცველებმა კარავი სოფელ
გუმათში გაშალეს.
აქციის მონაწილეები, რომლებიც ჰესის
მოსამზადებელი სამუშაოების განახლებას აპროტესტებენ, გუმათში არიან
შეკრებილები. ისინი ნამოხვანში გადაადგილებას ითხოვენ, რის
საშუალებასაც სამართალდამცველები არ აძლევენ. როგორც აქციის
მონაწილეებს პოლიციის ხელმძღვანელმა განუცხადა, საფრთხეების თავიდან
აცილების გამო, ადამიანებს ხეობაში ვერ შეუშვებენ.
შეზღუდვის გამო აქციის ორგანიზატორებმა მიიღეს
გადაწყვეტილება და ადგილზე კარავი გაშალეს. ვარლამ გოლეთიანის თქმით,
შეიქმნება ახალი ლოკაცია, სადაც მოქალქეებს შესაძლებლობა ექნებათ,
კომენდანტის დროს კარავში დარჩნენ. ადგილზე მოქალაქეებთან ერთად
არასამთავრობო ორგანიზაციების წარმომადგენლები იმყოფებიან, აქვე არის
სახალხო დამცველის დასავლეთ საქართველოს ოფისის ხელმძღვანელი, რომელიც
გამოეხმაურა კომპანის მიმართავას და განაცხადა, რომ ყველა მხარეს
შეხვდებიან და ყველაფერს შეისწავლიან.
რიონის ხეობაში, სადაც გიგანტური ჰესი უნდა აშენდეს, ვითარება 3 აპრილს, მას შემდეგ დაიძაბა, რაც ადგილზე პოლიციის თანხლებით კომპანია "ენკას" ახალი დირექტორი მივიდა. მერაბ ლომინაძე რიონის ხეობის მცველებსაც შეხვდა. მან ხეობის მცველებს უთხრა, რომ მოსახლეობის პროტესტის მიუხედავად, მოსამზადებელი სამუშაოები არ შეჩერდებოდა, შესაბამისად, ტერიტორიაზე ტექნიკაც შეიყვანეს. ამის გარდა, ხეობაში აკრძალულია გაადგილება. პოლციამ გუშინვე აღმართა საკომუნიკაციო სიგნალების ჩამხშობი აპარატურა, რაც აფერხებს მედიის მუშაობას.
რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს. გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.
მასალის გამოყენების პირობები