ახალი ამბები
ქუთაისის სკოლამ e-Twinning ტიტული მეორედ მიიღო
12:36 / 26.03.2021
ქუთაისის ანდრია რაზმაძის სახელობის
41-ე საჯარო სკოლამ e-Twinning-ის სკოლის ტიტული უკვე
მეორედ მიიღო.
e-Twinning ევროპისა და მისი მეზობელი ქვეყნების
სკოლების თანამშრომლობის ხელშესაწყობად შექმნილი ონლაინ პლატფორმაა,
სადაც მასწავლებლებს ერთმანეთთან დაკავშირება, თანამშრომლობა, იდეების
გაზიარება და სასწავლო პროექტების განხორციელება
შეუძლიათ.
„პროექტის მიზანია: ქვეყნების კულტურის გაცნობა,
თანამშრომლობის, კომუნიკაციის, ისტ-ის უნარების და კონკრეტულად
პროექტის სპეციფიკური მიზანი რაცაა, ამ ყველაფრის განვითარება“, -
ამბობს პროგრამის ელჩი ნინო ჩხეტია.
ნინო ჩხეტიას ინფორმაციით,
e-Twinning-ის პროექტების მრავალფეროვანი აქტივობები ასევე
მრავალფეროვან სარგებელს სთავაზობს მოსწავლეებს.
ქუთაისის ანდრია რაზმაძის სახელობის 41-ე
ფიზიკა-მათემატიკის საჯარო სკოლა უკვე მეშვიდე წელია აქტიურად
ახორციელებს საერთაშორისო პროექტებს იტალიის, სერბეთის, ბელგიის,
უკრაინის, დიდი ბრიტანეთის, თურქეთისა და სხვა ევროპული ქვეყნების
სკოლებთან თანამშრომლობით.
„e-Twinning-ის ტიტული პროგრამის მთელი
გუნდის მიღწევების აღიარებაა“, - ამბობს ნინო ჩხეტია.
საქართველოში სულ 7-მა სკოლამ მიიღო ეს ტიტული.
ქუთაისიდან e-Twinning-ის ტიტული მხოლოდ # 41-ე საჯარო სკოლას
ერგო.
მასალის გამოყენების პირობები