ახალი ამბები
"სამი რეგიონი შესაძლოა წითელ ზონად გამოცხადდეს '' - ეკატერინე ტიკარაძე
11:38 / 24.03.2021
საქართველოს სამი რეგიონი,
რომელიც კორონავირუსის გავრცელებით ლიდერობს, შესაძლოა "წითელ ზონად"
გამოცხადდეს.
ამის შესახებ საქართველოს ჯანდაცვის მინისტრმა
ეკატერინე ტიკარაძემ განაცხადა.
"შეზღუდვებთან დაკავშირებით არსებობს გარკვეული
მსჯელობა. საქართველოში გვაქვს რამდენიმე რეგიონი, რომელიც შესაძლოა
წითელ ზონად ჩამოყალიბდეს. ესაა ამ ეტაპზე, გურია, იმერეთი და
თბილისი, სადაც ყველაზე მეტია მობილობა. კოეფიციენტი დადებითობის ამ
ეტაპზე გვაქვს 2,2. ინფექციის გავრცელების კოეფიციენტი ერთს
აღემატება, რაც სიფრთხილეს მოითხოვს. ამიტომ შეზღუდვებს არ
გამოვრიცხავ", - განმარტა ეკატერინე ტიკარაძემ.
იმერეთის რეგიონში, გასული 24 საათის
განმავლობაში კორონავირუსის 51 ახალი შემთხვევა
დადასტურდა.
რეგიონის კოვიდ კლინიკებში 280 პაციენტი
მკურნალობს. მათგან 73 მათგანის ჯანმრთელობის მდგომარეობა მძიმეა.
ხელოვნური სუნთქვის აპარატზეა 12 პირი.
თვითთიზოლაციაში 891 ადამიანი
იმყოფება.
ბოლო 24 საათში გამოვლინდა ვირუსით ინფიცირების
450 ახალი დადასტურებული შემთხვევა. ქვეყანაში კოვიდ-19-ის პანდემიის
გავრცელებიდან დღემდე გამოვლენილი დადასტურებული შემთხვევების საერთო
რაოდენობა შეადგენს 278 628-ს.
ბოლო 24 საათში ვირუსისგან გამოჯანმრთელდა 254
პირი, ხოლო ჯამში გამოჯანმრთელებულთა რაოდენობა გაიზარდა 270
922-მდე.
მასალის გამოყენების პირობები