ახალი ამბები
ამავე თემაზე:
"მომდევნო სხდომამდე სასამართლოს ახალ მტკიცებულებებს წარვუდგენთ" - გოგი წულაიას ადვოკატი
17:15 / 22.03.2021
გოგი წულაიას ადვოკატი ვალერი გელბახიანი,
ამბობს, რომ გავრცელებული ვიდეოკადრები, რომელიც მისი დაცვის
ქვეშ მყოფის პირად ცხოვრებას ასახავს, გოგი წულაიას სასარგებლოდ
მეტყველებს, თუმცა, სასამართლო მას მტკიცებულებად არ
იღებს.
მისი თქმით, ვიდეო, რომელსაც, სავარაუდოდ, ის
ქალბატონი იღებს, რომელმაც შემდეგ იგი სექსუალური ძალადობის
მცდელობაში დაადანაშაულა, დაკავებულის თანხმობის გარეშე არის
ჩაწერილი.
"მომდევნო პროცესამდე ჩვენ
სასამართლოს წარვუდგენთ მნიშვნელოვან მტკიცებულებებს, როგორც
წერილობით, ასევე, ვიდეოს სახით", - ამბობს ვალერი
გელბახიანი.
ოპოზიციონერი პოლიტიკოსი გოგი წულაია 17 მარტს
დააკავეს. გამოძიების ინფორმაციით, მან თბილისში, ნაქირავებ
ბინაში, ნაცნობ ქალზე ფიზიკურად იძალადა. პოლიტიკოსის მიმართ
თავდაპირველად სისხლის სამართლის საქმე 126-ე მუხლით აღიძრა, თუმცა,
მოგვიანებით ბრალი დამძიმდა და გოგი წულაიას მიმართ გამოძიება 138-ე
მუხლით დაიწყო, რაც სექსუალური ხასიათის სხვაგვარ ქმედებას
გულისხმობს. ბრალის დამტკიცების შემთხვევაში გოგი წულაიას 4
-დან 6 წლამდე თავისუფლების აღკვეთა ემუქრება.
მომდევნო პროცესი 10 მაისსა
ჩანიშნული.
თავად დაკავებული ბრალდებას არ ეთანხმება.
დაცვის მხარე მომხდარს, მმართველი პარტიის დამფუძნებლის ბიძინა
ივანიშვილის შვილის, ბერა ივანიშვილისა და მოქმედი პრემიერ-მინისტრის
ირაკლი ღარიბაშვილის იმ აუდიოჩანაწერებს უკავშირებს, სადაც ბერა
ივანიშვილი ირაკლი ღარიბაშვილს იმ არასრულწლოვნების დასჯას
სთხოვს, რომლებმაც მას სოციალურ ქსელში შეურაცხყოფა
მიაყენეს.
ჩანაწერის გამოქვეყნების შემდეგ გოგი წულაიამ
ბერა ივანიშვილს საჯაროდ აგინა.
ამავე თემაზე:
მასალის გამოყენების პირობები