ახალი ამბები
„ბევრ რამეში არ არიან გარკვეული“ -  ნათია თურნავა რიონის ხეობის „მცველებზე“
FaceBook
ცაგერის მუნიციპალიტეტში ნამახვანჰესის საკითხზე შეხვედრა მიმდინარეობს, თუმცა, იმ ადამიანების გარეშე, რომლებიც ხეობაში უწვეტ პროტესტს მართავენ.

რიონის ხეობის "მცველები", რომლებიც ოთხ თვეზე მეტია ჰესის მშენებლობის შეჩერების მოთხოვნით ღამეებს კარავში ათენებენ, ცაგერში არ ჩავიდნენ. მათ ეს გადაწყვეტილება შეხვედრის დახურული ფორმატის გამო მიიღეს. კულტურის სახლში, სადაც შეხვედრა მიმდინარეობს, მედია მას შემდეგ დაუშვეს, რაც ცნობილი გადა, რომ ხეობის მცველები ცაგერში არ ჩადიოდნენ.

შეხვედრას ძირითადად, ადგილობრივები ესწრებიან, მათ შორის არიან ცაგერის მუნიციპალიტეტის საჯარო მოხელეები. უწყვეტი პროტესტის ორგანიზატორები კი სოფელ ნამოხვანში, კარავში რჩებიან.

ეკონომიკის მინისტრის ნათია თურნავას თქმით, ჰესის მოწინააღმდეგეები ბევრ რამეში ბოლომდე გარკვეულები არ არიან.

"ჩვენ ვთვლით, რომ ბევრ რამეში არ არიან ბოლომდე გარკვეული და აუცილებელია დიალოგი, განმარტებები. როდესაც ადამიანები გულწრფელად გამოხატავენ პროტესტს, არ არიან ანგაჟირებული და არ აქვთ ნეგატიური დღის წესრიგი და მე მჯერა, რომ სწორედ ასეთი ადამიანები არიან ხეობის "მცველები" , რომ ყოველთვის მოიძებნება ფორმატი კონსტრუქციული დიალოგისთვის. პანდემიის გამო, ალბათ, ჩვენც დავაკელით კომუნიკაცია მოსახლეობას და ამიტომაც დაგროვდა ამდენი შეკითხვა. ვეცდებით, რომ ის მომენტი, რაც იქნება რაციონალური, გავითვალისწინოთ", - განაცხადა ნათია თურნავამ.

ნათია თურნავას და ლევან დავითაშვილს, რიონის ხეობის მცხოვრებლებთან შეხვედრა, პრემიერ-მინისტრმა ირაკლი ღარიბაშვილმა, მთავრობის სხდომაზე დაავალა.

რიონის ხეობაში ჰესის წინააღმდეგ პროტესტი ოთხ თვეზე მეტია გრძელდება. ადგილობრივებმა 3 მარტს კარავში 130-ე ღამე გაათენეს. ხელისუფლებამ ჰესის მოწინააღმდეგეებთან შეხვედრის საჭიროება მხოლოდ მას შემდეგ დაინახა, რაც 28 თებერვალს ქუთაისში ფართომასშტაბიანი აქცია გაიმართა, სადაც ხეობის მცველებმა მთავრობას ორკვირიანი ულტიმატუმი წაუყენეს. იმ შემთხვევაში თუ ნამახვანჰესის მშენებლობა არ შეჩერდება, აქტივისტები ქუთაისის პიკეტირებით იმუქრებიან.


რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს. გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლების დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.



ამავე თემაზე:


რიონის ხეობის "მცველები" მინისტრებთან შეხვედრაზე არ წავიდნენ

ნამახვანჰესის საკითხზე მინისტრები ცაგერში დღეს ჩავლენ


„ჩვენი მხრიდან მშვიდი გარემო უზრუნველყოფილი იქნება“ - შეხვდებიან თუ არა რიონის ხეობის "მცველები" მინისტრებს

„ნამახვანჰესის ხელშეკრულებით  სახელმწიფო ინტერესები დათმობილია კერძო კომპანიის სასარგებლოდ“ - EMC


"კარვამდე მაინც მივედით" - ხელჩართული ჩხუბი პოლიციასა და აქტივისტებს შორის (ვიდეო)


ნამახვანჰესის მშენებლობის მოწინააღმდეგეები ხელისუფლებას ულტიმატუმს უყენებენ
„არასწორ ადგილზე აშენებული ჰესები საფრთხის შემცველია“ - მწერლების მიმართვა ხელისუფლებას

ნამოხვანში, აქციაზე დაკავებულს გირაოს თანხა შეუგროვეს


რიონის ხეობაში ადგილზე, სადაც ჯვარი მოხსნეს, ტექნიკა მუშაობს


პოლიციამ რიონის ხეობაში აქტივისტი დააკავა


"კომპანიის მენეჯერმა უხამსი ჟესტი გვიჩვენა" - ფიზიკური დაპირისპირება რიონის ხეობაში

რიონის ხეობაში ჰესის მშენებლობის მოწინააღმდეგეებმა გზა გადაკეტეს (ვიდეო)

ნამახვანჰესის მშენებლობის მოწინააღმდეგეებს სოფელ ნამოხვანში არ უშვებენ

რიონის ხეობის „მცველები“

"ჯვარი მოთხარეს, ხეობა გაყიდეს" - რიონის ხეობაში პროტესტი გრძელდება

სოფელ ნამოხვანში პოლიციის ძალით მოხსნილი ჯვარი ბაგრატის ტაძარში გადაიტანეს

პოლიცია ნამახვანჰესის მოწინააღმდეგეების კარავის დაშლას ცდილობს (ვიდეო)

დაპირისპირება ნამახვანჰესის მშენებლობაზე (ვიდეო)


გასხვისდა თუ არა რიონის ხეობა 99 წლით - „ენკას“ განმარტებ
Print