მოსახლეობა კომპანიისგან მადნის მოპოვების პროცესში მიყენებული ზიანის ანაზღაურებას და პიკეტირების დროს დაკავებული  ერთ-ერთი მონაწილის გათავისუფლებას ითხოვს.

"რამდენიმე დღის წინ აქ მოხდა ინციდენტი ჟურნალისტებთან. დააკავეს ორი ადამიანი, აქედან, ერთი აქციების აქტიური მონაწილე იყო, რომელიც მომხდართან არაფერ შუაშია. ამიტომ,  პირველ რიგში, ვითხოვთ ამ ბიჭის გათავისუფლებას. ის აქტიურადაა ჩართული პროტესტში და ამიტომ არის დაკავებული. დანარჩენი მოთხოვნები კი იგივეა, რასაც წლებია ვითხოვთ. სოფელი ეკოლოგიური კატასტროფის წინაშეა. სახლები, საკარმიდამო ნაკვეთები დაზიანებულია. სოფელში 280 ოჯახიდან სრული კომპენსაცია მხოლოდ 8 ოჯახმა მიიღო, დანარჩენებმა 5 ან 10 ათასი ლარი, რაც არის სრულყოფილი",- აცხადებენ პიკეტირების მონაწილეები. 

მოსახლეობამ 2019 წლიდან დღემდე მაღარო ოთხჯერ გააჩერეს და კომპანიამ ყოველ ჯერზე მათთან დადებული ხელშეკრულება დაარღვია. 

სოფელ შუქრუთში მოსახლეობის პროტესტს ,,ჯორჯიან მანგანეზში" ეხმაურებიან. კომპანიაში აცხადებენ, რომ „შუქრუთი +“ დაზარალებული მოსახლეობისთვის კომპენსაციების გაცემას დღემდე ეტაპობრივად ახორციელებს. მოსახლეობის საცხოვრებელი სახლები კი კერძო აუდიტორის მიერ, საბაზრო ღირებულებაზე 3-ჯერ და 4-ჯერ მეტად შეფასეს.