ახალი ამბები
"როგორც 2017 წელს, ქუთაისი ამჯერადაც გამორჩათ ფეხბურთის ფედერაციაშიც. საფეხბურთო ტრადიციებით და საფეხბურთო სანახაობის მიმართ მაყურებელთა მაღალი ინტერესით გამორჩეული ქუთაისი ტურნირის მიღმა რჩება. პრესტიჟული ტურნირის მასპინძლობა ხელსაყრელი მდებარეობისა და ევროპის ქალაქებთან იაფიანი ფრენების არსებობის ფაქტორის გათვალისწინებით, ქუთაისის მიმართ ინტერესის და ეკონომიკური იმპულსების ზრდის შანსიც იქნებოდა.
ქალაქის ადგილობრივმა ხელისუფლებამ და იმერეთის გუბერნიამ არაფერი გააკეთეს იმისთვის, რომ თბილისის რომელიმე ერთი სტადიონის ნაცვლად შეხვედრები ქუთაისშიც გამართულიყო, რაც საფეხბურთო ინფრასტრუქტურის განვითარებასაც მოითხოვდა, რაც ქალაქისთვის პირდაპირი სარგებელი იქნებოდა", -აცხადებენ ორგანიზაციაში.
ქუთაისი ფეხბურთში 2023 წლის ევროპის ჩემპიონატს მიღმა დარჩა
16:55 / 15.01.2021
ფეხბურთში 2023 წლის 21 წლამდე ნაკრებთა ევროპის
ჩემპიონატს, ქუთაისი ვერ უმასპინძლებს.
"ტორპედოს" სტადიონი ვერ მოხვდა იმ სპორტულ
მოედნებს შორის, სადაც ჩემპიონატის ფარგლებში შეხვედრები ჩატარდება.
უკვე გადაწყვეტილია, რომ მატჩები თბილისში, ბათუმსა და
ფოთში გაიმართება. ჩემპიონატს სულ ოთხი სტადიონი უმასპინძლებს.
მათ შორის ორი თბილისშია, ერთი ბათუმში და ერთიც ფოთში.
ევროპული დონის შეხვედრებს მიღმა ქუთაისის დატოვებას აპროტესტებენ
ადგილობრივები.
არასამთავრობო ორგანიზაცია "ევროპა ჩვენი
სახლია" ფეხბურთის ფედერაციასთან ერთად ადგილობრივ ხელისუფლებასაც
აკრიტიკებს და უმოქმედობაში ადანაშაულებს. მათი თქმით, ამ
გადაწყვეტილებით ქალაქს მის მიმართ ინტერესისა და ეკონომიკური
იმპულსების ზრდის შანსი წაართვეს.
"როგორც 2017 წელს, ქუთაისი ამჯერადაც გამორჩათ ფეხბურთის ფედერაციაშიც. საფეხბურთო ტრადიციებით და საფეხბურთო სანახაობის მიმართ მაყურებელთა მაღალი ინტერესით გამორჩეული ქუთაისი ტურნირის მიღმა რჩება. პრესტიჟული ტურნირის მასპინძლობა ხელსაყრელი მდებარეობისა და ევროპის ქალაქებთან იაფიანი ფრენების არსებობის ფაქტორის გათვალისწინებით, ქუთაისის მიმართ ინტერესის და ეკონომიკური იმპულსების ზრდის შანსიც იქნებოდა.
ქალაქის ადგილობრივმა ხელისუფლებამ და იმერეთის გუბერნიამ არაფერი გააკეთეს იმისთვის, რომ თბილისის რომელიმე ერთი სტადიონის ნაცვლად შეხვედრები ქუთაისშიც გამართულიყო, რაც საფეხბურთო ინფრასტრუქტურის განვითარებასაც მოითხოვდა, რაც ქალაქისთვის პირდაპირი სარგებელი იქნებოდა", -აცხადებენ ორგანიზაციაში.
"ევროპა ჩვენი სახლია" ადგილობრივ ხელისუფლებას
არსებული რეალობის შესაცვლელად აქტიურობისკენ მოუწოდებს.
"უეფა"-ს გადაწყვეტილებით, 2023 წლის 21 წლამდე
ნაკრებთა ევროპის ჩემპიონატს საქართველო და რუმინეთი უმასპინძლებს.
აღნიშნული გადაწყვეტილება, ევროპული ფეხბურთის მმართველმა ორგანომ 3
დეკემბერს გამართულ აღმასრულებელი კომიტეტის სხდომაზე
მიიღო.
მასალის გამოყენების პირობები