ახალი ამბები
თერჯოლაში იარაღის უკანონო შეძენა - შენახვისთვის ერთი პირი დააკავეს
11:43 / 09.01.2021
პოლიციამ თერჯოლის მუნიციპალიტეტის
სოფელ რუფოთში ერთი პირი დააკავა.
1990 წელს დაბადებულ და წარსულში ნასამართლევ რ.ც.-ს ბრალი
ცეცხლსასროლი იარაღის და საბრძოლო მასალის მართლსაწინააღმდეგო
შეძენასა და შენახვაში ედება.
პოლიციამ, დაკავებულის საცხოვრებელ სახლში მოსამართლის განჩინების
საფუძველზე ჩატარებული ჩხრეკის შედეგად, ნივთმტკიცებად ამოიღო
კალაშნიკოვის სისტემის "აკს"-ის მოდელის ავტომატური ცეცხლსასროლი
იარაღი, მჭიდი და 29 საბრძოლო ვაზნა.
ცეცხლსასროლი იარაღის და საბრძოლო მასალის მართლსაწინააღმდეგო
შეძენა-შენახვის ფაქტზე გამოძიება საქართველოს სსკ-ის 236-ე მუხლის
მე-3 ნაწილით მიმდინარეობს.
დანაშაული 3-დან 6 წლამდე ვადით თავისუფლების აღკვეთას
ითვალისწინებს.
ბრალდებული დანაშაულს აღიარებს.
მასალის გამოყენების პირობები