ახალი ამბები
იმერეთში ყალბი კუპიურების დამზადების ფაქტზე ოთხი პირი ამხილეს
10:49 / 22.12.2020
ფინანსთა სამინისტროს საგამოძიებო სამსახურის
თანამშრომლებმა, ყალბი ფულის დამზადება-გასაღების ფაქტზე ოთხი
პირი ამხილეს, საიდანაც სამს პატიმრობა შეეფარდა.
გამოძიებით დადგინდა, რომ ბრალდებულებმა,
უკანონო მატერიალური სარგებლის მიღების მიზნით, იმერეთის რეგიონში,
კომპიუტერული ტექნიკის გამოყენებით, დაამზადეს საქართველოს ეროვნული
ბანკის ყალბი 50 და 100 ლარიანი კუპიურები, რომლებიც შემდგომში
გაასაღეს ქუთაისში მდებარე ბენზინგასამართ სადგურებში და სავაჭრო
ქსელში.
გამოძიების ამ ეტაპზე დადგენილია, რომ
ბრალდებულების მიერ ჯამში გასაღებულია 550 ლარის ოდენობის ყალბი
კუპიურა. გამოძიება მიმდინარეობს საქართველოს სისხლის სამართლის
კოდექსის 212-ე მუხლის მე-2 ნაწილით, რაც სასჯელის სახით
ითვალისწინებს თავისუფლების აღკვეთას 7-დან 10-წლამდე
ვადით.
მასალის გამოყენების პირობები