ახალი ამბები
იოსებ ხახალეიშვილი კორონავირუსის გამო თვითიზოლაციაში იმყოფება.
კორონავირუსით ინფიცირების გამო, ქუთაისის ახლადარჩეული მერი საქმიანობას ორი დღის დაგვიანებით შეუდგება
13:08 / 09.12.2020
ქუთაისის არჩეული მერი უფლებამოსილების
განხორციელებას 11 დეკემბრიდან შეუდგება.
იოსებ ხახალეიშვილი კორონავირუსის გამო თვითიზოლაციაში იმყოფება.
"იზოლაციაში ყოფნის ვადის ამოწურვამდე ვრჩები
სახლში და ვასრულებ რეგულაციებით გათვალისწინებულ მოთხოვნებს.
ქუთაისის მერიაში, ჩემს სამუშაო ადგილზე, პარასკევს, 11 დეკემბერს
გამოვცხადდები და შევუდგები ქუთაისის მერის უფლება-მოვალეობების
შესრულებას. უდიდესია პასუხისმგებლობა, რომელიც ჩვენმა
თანაქალაქელებმა თავიანთი მხარდაჭერით დამაკისრეს. ურთულეს პერიოდში
მიწევს მუშაობის დაწყება. ჩვენ ერთად უნდა შევძლოთ ყველა იმ გეგმის
შესრულება, რაც ქუთაისის უკეთესი მომავლისთვის
დავსახეთ", - აცხადებს ქუთაისის ახლადარჩეული
მერი.
"ქართული ოცნების" ქუთაისის მერობის კანდიდატმა
იოსებ ხახალეიშვილმა არჩევნების მეორე ტურში ხმების 92% მიიღო.
იოსებ ხახალეიშვილი მერის პოსტის დაკავებამდე, იმერეთის ვიცე-გუბერნატორი იყო.
იოსებ ხახალეიშვილი მერის პოსტის დაკავებამდე, იმერეთის ვიცე-გუბერნატორი იყო.
მასალის გამოყენების პირობები