პოლიტიკა
ეს ის ადამიანები არიან, რომლებმაც გადასატანი ყუთი მოითხოვეს არჩევნებში საკუთარი პოზიციის დასაფიქსირებლად.
იმერეთში, თვითიზოლაციასა და კოვიდსასტუმროებში, 1123 ამომრჩეველია რეგისტრირებული
12:06 / 30.10.2020
2020-ის 31 ოქტომბრის საპარლამენტო არჩევნებზე,
იმერეთის მასშტაბით, თვითიზოლაციასა და კოვიდსასტუმროებში მყოფი 1123
ამომრჩეველია რეგისტრირებული.
ეს ის ადამიანები არიან, რომლებმაც გადასატანი ყუთი მოითხოვეს არჩევნებში საკუთარი პოზიციის დასაფიქსირებლად.
საჩხერე, ჭიათურა, ხარაგაულის
სამაჟორიტარო ოლქში განმარტავენ, რომ თვითიზოლაციასა და
კარანტინში მყოფი პირების ხმის მიცემის უფლების უზრუნველსაყოფად 1
უბანია გახსნილი და რეგისტრირებულია 27 ამომრჩეველი. თვითიზოლაციაში
მყოფი პირების გარდა გადასატანი ყუთით სულ 1139 ამომრჩეველი
ისარგებლებს.ცესკოს ინფორმაციით, აქ საპარლამენტო არჩევნებისთვის
რეგისტრირებულია 103 810 ამომრჩეველი. გახსნილია 155 საარჩევნო
უბანი.
ასევე ერთი უბანია გახსნილი თვითიზოლაციასა
და კოვიდსასტუმროებში მყოფი
პირებისთვის თერჯოლა, ტყიბული, ზესტაფონი, ბაღდათის ოლქშიც. ხმის მიცემის უფლებით აქ
თვითიზოლაციაში მყოფი 70-მდე პირი ისარგებლებს. მათ გარდა, გადასატანი
ყუთით 1682 ამომრჩეველი ისარგებლებს. ცესკო-ს ინფორმაციით, ამ
ოლქში არჩევნებისთვის რეგისტრირებულია 131 322 ამომრჩეველი.
გახსნილია 157 უბანი.
თვითიზოლაციაში მყოფი 108 ამომრჩეველია
რეგისტრირებული სამტრედია, ვანი , ხონი, წყალტუბოს
ოლქში, მათ ერთი სპეცუბანი მოემსახურებათ. გარდა
ამისა, გადასატანი ყუთით ისარგებლებს 1737 ამომრჩეველი. ცესკოს
მონაცემებით, არჩევნებისთვის აქ რეგისტრირებულია ჯამში 144 150
ამომრჩეველი. გახსნილია 183 საარჩევნო უბანი.
ქუთაისში 6 უბანია
გახსნილი თვითიზოლაციასა და კოვიდსასტუმროებში მყოფი 873
ამომრჩეველისთვის. გარდა ამისა, გადასატანი ყუთით ისარგებლებს 3661
ამომრჩეველი ისარგებლებს. ცესკოს მონაცემებით ქუთაისში გახსნილია 130
უბანი და რეგისტრირებულია 156277 ამომრჩეველი.
კარანტინსა და თვითიზოლაციაში მყოფი პირებისთვის ცესკომ არჩევნებში მონაწილეობის მისაღებად რეგისტრაცია 26 ოქტომბერს, 22:00 საათზე დაასრულა.
იმ პირებს, რომლებიც ვირუსის გამო თვითიზოლაციაში შესაძლოა რეგისტრაციის ვადის ამოწურვის შემდეგ მოხვდნენ, ,,ქუთაისიპოსტს" ცესკო-ში განუცხადეს, რომ ისინი გადასატან ყუთს ვეღარ მოითხოვენ და შესაბამისად, ხმის მიცემის უფლებით ვერ ისარგებლებენ.
საპარლამენტო არჩევნები 31 ოქტომბერს, შერეული სისტემით, ერთპროცენტიანი ბარიერით და ბლოკებით გაიმართება.
კარანტინსა და თვითიზოლაციაში მყოფი პირებისთვის ცესკომ არჩევნებში მონაწილეობის მისაღებად რეგისტრაცია 26 ოქტომბერს, 22:00 საათზე დაასრულა.
იმ პირებს, რომლებიც ვირუსის გამო თვითიზოლაციაში შესაძლოა რეგისტრაციის ვადის ამოწურვის შემდეგ მოხვდნენ, ,,ქუთაისიპოსტს" ცესკო-ში განუცხადეს, რომ ისინი გადასატან ყუთს ვეღარ მოითხოვენ და შესაბამისად, ხმის მიცემის უფლებით ვერ ისარგებლებენ.
საპარლამენტო არჩევნები 31 ოქტომბერს, შერეული სისტემით, ერთპროცენტიანი ბარიერით და ბლოკებით გაიმართება.
მასალის გამოყენების პირობები