ახალი ამბები
70 წლის ქალი საავადმყოფოში 14 ოქტომბერს ბათუმიდან შეიყვანეს. სამედიცინო დაწესებულების დირექტორის, დავით სარიშვილის განცხადებით, პაციენტი მძიმე მდგომარეობით რეანიმაციულ განყოფილებაში იყო მოთავსებული.
"თერჯოლამედში" კორონავირუსით 70 წლის პაციენტი გარდაიცვალა
10:54 / 28.10.2020
თერჯოლაში კლინიკა "თერჯოლამედში"
კორონავირუსით პაციენტი გარდაიცვალა.
70 წლის ქალი საავადმყოფოში 14 ოქტომბერს ბათუმიდან შეიყვანეს. სამედიცინო დაწესებულების დირექტორის, დავით სარიშვილის განცხადებით, პაციენტი მძიმე მდგომარეობით რეანიმაციულ განყოფილებაში იყო მოთავსებული.
"ორი კვირა მკურნალობდა ჩვენთან.
გულსისხლძარღვთა დაავადებები და ორმხრივი პნევმონია აღენიშნებოდა",
- ამბობს დავით სარიშვილი.
მისივე თქმით, სამედიცინო დაწესებულებას კიდევ
10 პაციენტის მიღება შეუძლია.
,,ამ ეტაპზე ადგილები გვაქვს. კიდევ ათი პაცინტი
შეგვიძლია მივიღოთ. სამედიცინო პერსონალის ნაკლებობას განვიცდით,
თუმცა კატასტროფული სიტუაცია, ამ მხრივ, ჯერ არ გვაქვს," - განაცხადა
დავით სარიშვილმა.
"თერჯოლამედში" კორონავირუსის დიაგნოზით 74
პაციენტი მკურნალობს. აქედან, 21 რეანიმაციულ განყოფილებაშია
მოთავსებული, სამი კი მართვით სუნთქვაზე იმყოფება.
მასალის გამოყენების პირობები