ახალი ამბები
იმერეთში კორონავირუსის 44 ახალი შემთხვევა გამოვლინდა
11:35 / 05.10.2020
იმერეთის მასშტაბით კორონავირუსით ინფიცირებულთა
რაოდენობა 44 -ით გაიზარდა. ჯამში, კლინიკებში 370
პაციენტი მკურნალობს.
იმერეთის
გუბერნატორის ინფორმაციით, უკვე ინფიცირების რამდენიმე წყაროა
რეგიონში, თუმცა, მასიური გავრცელება არ არის.
"სიტუაცია კონტროლს ექვემდებარება. მასიური
გავრცელება არ გვაქვს", - ამბობს ზვიად შალამბერიძე.
ვირუსი დაუდგინდა დღეს 31-ე საჯარო სკოლის
პირველი კლასის მოსწავლეს, 41-ე სკოლის მესამე კლასელის ტესტზე კი
პასუხს დღის ბოლომდე ელოდებიან. 31-ე სკოლაში სწავლა უკვე შეწყდა,
ხოლო, 41-ეს სკოლამ სასწავლო პროცესი ერთი დღით შეაჩერა, ვიდრე
მოსწავლისთვის აღებული ტესტის შედეგი გახდება ცნობილი.
ვირუსი დაუდგინდა ქუთაისის მერიის საჯარო
მოხელესაც. მომხდარის გამო, საბინაო სამსახურის თანამშრომლები
თვითიზოლაციაში არიან გადასული.
მასალის გამოყენების პირობები