პოლიტიკა
,,ფლანგვის დეტექტორის" ინფორმაციით, შპს “ლატექსი” სამტრედიაში 1999 წელს რეგისტრირებული კომპანიაა, რომელიც ტენდერებში 2011 წლიდან მონაწილეობს და სხვადასხვა უბნებში საგზაო ინფრასტრუქტურის მოწესრიგებაზეა პასუხისმგებელი. 2017 წლიდან კომპანიამ 23, უშუალოდ სამტრედიის მუნიციპალიტეტში კი 21 ელექტრონულ ტენდერში გაიმარჯვა.
"ოცნების" შემომწირველმა კომპანიამ სამტრედიაში 2 მლნ ლარზე მეტი ღირებულების ტენდერები მოიგო
12:30 / 24.09.2020
,,ქართული ოცნების" შემომწირველი კომპანია
სამტრედიაში ტენდერებს წლებია კონკურენტთა დისკვალიფიკაციის ხარჯზე
იგებს.
,,ფლანგვის დეტექტორის" ინფორმაციით, შპს “ლატექსი” სამტრედიაში 1999 წელს რეგისტრირებული კომპანიაა, რომელიც ტენდერებში 2011 წლიდან მონაწილეობს და სხვადასხვა უბნებში საგზაო ინფრასტრუქტურის მოწესრიგებაზეა პასუხისმგებელი. 2017 წლიდან კომპანიამ 23, უშუალოდ სამტრედიის მუნიციპალიტეტში კი 21 ელექტრონულ ტენდერში გაიმარჯვა.
,,აქედან 13-ში უკონკურენტოდ, ორში კი
კონკურენტთა დისკვალიფიკაციის ხარჯზე. 2017 წლიდან მოგებული
ტენდერების ჯამური ღირებულება 7,496,528 ლარია."
მიმდინარე წელს კომპანიამ ორი ტენდერი მოიგო,
რომელთაგან
ერთი სამტრედიის რამდენიმე სოფელში ასფალტო-ბეტონის საფარით
გზების მოწესრიგებას გულისხმობს,
მეორე კი შიდა გზების ორმოულ შეკეთებას გულისხმობდა. ტენდერების
ღირებულება ჯამში 2,117,996 ლარს შეადგენს.
სამტრედიის მერიაში აცხადებენ, რომ გავრცელებული
ინფორმაცია სიმართლეს არ შეესაბამება და ტენდერებში კომპანიების
გამარჯვებას ,,ქართული ოცნების" შემომწირველობასთან კავშირი არ
აქვს.
,,ერთი შემთხვევა არ არის როდესაც კომპანიებს
სატენდერო დოკუმენტაცია არ აქვთ სრულყოფილად წარმოდგენილი და ხდება
მათი დისკვალიფიკაცია. კანონის საფუძველზე ხდება მათი შერჩევა.
მიზანმიმართულად არ ხდება ამ კომპანიის შერჩევა. ვის რა ინტერესი აქვს
არაა ჩემი საქმე და არაფერი ვიცი", - ამბობს სამტრედიის მერიის
საფინანსო სამსახურის უფროსი დავით ბაღდავაძე.
შპს
"ლატექსის" მეწილეებმა, ყოფილმა და მოქმედმა დირექტორბემა
"ქართულ ოცნებას" 2017 წელს 5000
-5000 ლარი შესჭირეს.
ავტორი: ანა ჯიქია
ავტორი: ანა ჯიქია
მასალის გამოყენების პირობები