ახალი ამბები
Ryanair-ი მიმდინარე წლის პირველ კვარტალში 185 მილიონი ევროთი დაზარალდა
14:45 / 27.07.2020
დაბალბიუჯეტიანმა ირლანდიურმა
ავიაკომპანია Ryanair-მა მიმდინარე წლის პირველ კვარტალში 185 მილიონი
ევროს ოდენობის ზარალი განიცადა.
კომპანიის განმარტებით, გასული წლის
ანალოგიურ პერიოდთან შედარებით 99%-ით შემცირდა მგზავრთა
რაოდენობა.
"გასული კვარტალი კომპანიის 35-წლიან ისტორიაში ყველაზე რთული იყო.
კოვიდ 19-ის გამო ავიაკომპანიის თვითმფრინავების უმეტესობას თითქმის 4
თვის განმავლობაში, მარტის შუა რიცხვებიდან ივნისის ბოლომდე არ
უფრენიათ, რადგან ევროკავშირის ქვეყნების მთავრობებმა შეზღუდვები
დააწესეს მოგზაურობაზე და გამოაცხადეს კარანტინი", – აღნიშნულია
კომპანიის მიერ გავრცელებულ განცხადებაში.
მათივე ინფორმაციით, 2019 წლის პირველ კვარტალში Ryanair-ის სუფთა
მოგებამ 243 მილიონი ევრო შეადგინა.
Ryanair-მა ქუთაისის აეროპორტში
ოპერირება გასული წლის ოქტომბრიდან დაიწყო.
მასალის გამოყენების პირობები