ნამსხვრევი 10 წლის გოგონას, რომელიც ეზოში თამაშობდა, რამდენიმე სანტიმეტრით აცდა. მოზარდის დედა ამბობს, რომ გოგონა ძალიან შეშინდა, რის შემდეგაც ადგილზე 112 გამოიძახეს.

კარიერი დასახლებული პუნქტიდან რამდენიმე ასეული მეტრით არის დაშორებული. ადგილზე ახლა პროცესი შეჩერებულია. ტერიტორიაზე მხოლოდ დარაჯი დაგვხვდა, რომელმაც გვითხრა, რომ  სამუშაოების მწარმოებელი კომპანიის  უფროსი პოლიციის განყოფილებაშია გადაყვანილი. მისი თქმით, აფეთქების შედეგად ნამსხვრევები დაახლოებით 20 მეტრის რადიუსში იფანტება, თუმცა, როგორ მოხვდა ქვა ადგილობრივის ეზოში, არ იცის.